Kwashenu Anyanenu Ekali Nachikuhwelelu Chakola Mudi Nleñi

Kuleña kwejima kwashimunaña kulema kwaYehova. (Mas 19:1-4; 139:14) Hela chochu, kaayi kaDiyabolu kashimunaña nsañu yakumusawula Nzambi yahoshaña chatachikili wumi. (Rom 1:18-25) Munateli kukañesha ñahi iyi nsañu kubula kutentama muyitoñojoka nimunyichima yawanyanenu? Yikwashenu henohu achidi atwansi akuhweleli chikupu nawu Yehova wekala kwoku nawa nawu wayakamenaña. (2 Ko 10:4, 5; Efw 6:16) Yikwashenu kulonda abuli kukuhwelela yuma yatama yayitañishañawu kushikola nawa zatishenu yozelu yayivulu yitukweti kulonda muyishiki hamuchima.—Yis 20:5; Yak 1:19.

TALENU VIDIYO YAWHAT YOUR PEERS SAY-BELIEF IN GOD, KUHIÑAHU AKULENU MALWIHU ANALONDELIHU:

• Nsañwinyi yakutwamba yakuhwelelawu antu hadi Nzambi?

• Yumanyi yayitañishañawu kushikola yenu?

• Yumanyi yayileñelaña kukuhwelela chikupu nenu Yehova wekala kwoku?

• Munateli kumukwasha ñahi muntu kulonda yeluki nindi Nzambi diyi waleñeli yuma yejima?