Kuwahisha Njila Jetu Jakushimwinamu​—Kusoneka Nyikanda

CHICHALEMENA: Mukanda wa 1 Akorinda wekala hakachi kanyikanda 14 yasonekeliyi Pawulu hakukolesha akwawu akwaKristu. Mukanda chiwawahila, wakwashaña muntu wunakusoneka kutonda mazu amawahi nawa muntu wunawutambwili watañañamu mpinji yejima. Nyikanda hinjila yayiwahi yakushimwinamu antaña niantu itwadiluka hohu nawu. Hinjila yayiwahi cheñi yakushimwinamu antu itwabulaña kuhosha nawu kanwa-nakanwa. Chakutalilahu, muntu nateli kumwekesha mpwila ilaña chakala kumuwana hetala. Antu amakwawu mwiluña detu akala kudimona nawu muloña ashakamaña mumatala amaneni akweti makamera, akweti mpwembu nawa amakwawu ashakamaña mwamweni mucholoku. Yumanyi yitwatela kwanukaña, sweje-e neyi tunakusonekela muntu itwabula kwiluka?

YUMA YIMWATELA KWILA:

• 

  Hoshenu yuma yimwadi kuhosha neyi mwadiña nindi. Kumatachikilu amukanda, dilumbululenu enu aweni nawa shimunenu chimunakumusonekela. Kuhiñahu, munateli kumwihula lwihu lukuletesha yatoñojokihu hela mulejenu kuya hawebusayiti yetu. Mulejenu Online Bible Study Lessons (kanda yikalihu muLunda), hela progilamu yakudiza Bayibolu yaha intanenti hela mulejenu tupetulu tudi munyikada yetu yitwazatishaña hakudiza. Munateli kushamu nyikanda yidi neyi, kaadi, chipapilu chakutambika nachu hela tilakiti

• Bayi musoneka mazu amavulu akuletesha muntu imunatemesheli yakañanyi kuyitaña ejimaku.—Talenu chakusoneka mukanda

• Hitulukenumu kulonda mumoni himwaluwañesha nawa mutiyi neyi wunakutañika chiwahi, mudi mazu amawahi nawa wukumushika hamuchima. Shenuhu stamp