Chakusoneka Mukanda

• Zatishenu adilesi yenu enu aweni. Neyi munakukeña kuzatisha adilesi yenu wanyi, munateli kulomba akulumpi muchipompelu kulonda muzatishi Yetala daWanta. Ilaña, BAYI MUZATISHA adilesi yakasanji kamutayiku.

• Neyi mwamwiluka ijina, musonekenu. Chikumukwasha kwiluka nawu munamusonekeleña yena bayi antu acheñiku.

• Sonekenu mazu chatela kuyisonekawu, chayihoshañawu nawa shenu tunokelu hatelela. Mukanda wenu watela kumwekana wunyonji, bayi majiluku. Neyi munakusoneka napeni, sonekenu nachizala chachiwahi. Bayi muzatisha mazu akusehesha hela amaleñuku.

Iyi yikuma anayimwekeshi muchakutalilahu chakusoneka mukanda. Bayi neyi mwatela kuzatisha mazu adi muniwu mukanda mpinji yejima yimunakusoneka mukandaku. Munateli kuwusoneka kwesekeja nachasonekañawu mwiluña hela mwituña denu.