Chikasha Chamalwihu

◼ Komana chachiwahi kulamika keyala yenu yae-mail hanyikanda yimunakuhana mwiha?

Kuhitila muzatisha chilamiki hela chipapilu chakupulinta, akwakushimwina amakwawu alamikaña keyala yawu yae-mail hamagazini hela hamatilakiti yahanañawu kudi antu. Antu atambulaña nyikanda ayitemeshelaña awa akwakushimwina jie-mail kulonda kulombelahu nsañu jikwawu. Kwila mwenimu kulonda kukwasha akwakukeña kwakuwahi hikwatamaku. Ilaña, keyala yetu yahaIntaneti yakusha dehi kunyima yamagazini nimatilakiti. Dichi, chikubadika kuwaha neyi tukubula kulamika hanyikanda keyala yetu yae-mail.

Dichi neyi mukwakushimwina wukuyinka antu mwiha keyala yakwihwilahu nsañu yikwawu hachipapilu chacheñi, sweje-e hakufuntilaku, iku hikufuukula kwindi. Twatela kushaku kashinshi kakufuntila kudi antu anamwekeshi mpwila kubadika kuyileka hohu nawu awenawu akatutemeshela kulonda tukayileji nsañu yikwawu. Kukeña kwalala kwatela kuswejelaku neyi tuhosha namuntu mesu namesu.