Shimwinenuña niKudizisha!

Hakusambila Mosi wamweni nindi wukutwesha wanyi kuzata mudimu wamwinkeliwu kudi Yehova. (Kwi 4:10, 13) Ninenu mwatiyahu dehi muniyi njila? Munakudiza Bayibolu nawaYinsahu jaYehova? Mwajinookaña neyi chakwila munateli kutwesha kushimwina kwitala nikwitala. Hela wudi kansi watiyaña woma kushimwina hashikola. Indi kwiji mwatiyaña woma kushimwina kumaluña kwawanikaña antu amavulu hela hafoni. Lombenu spiritu yajila kudi Yehova kulonda yiyinki ñovu. (1Pe 4:11) Kuhwelelenu nenu wukuyikwasha kuzata mudimu wudi wejima wukuyinkayi.—Kwi 4:11, 12.

TALENU VIDIYO, IKALENU AHAMUKA . . . AKWAKUSHIMWINA, NAWA AKULENU AWA MALWIHU:

• Kukalanyi kwamweniyi muhela Aoyama?

• Chumanyi chamukwashili kwikala wakola nawa wahamuka?—Yer 20:7-9

• Yumanyi yayiwahi yafumini mukufwila kuzata mudimu waYehova?

• Kukalanyi kumwamonaña mumudimu wakushimwina kunateli kuyikwashayi Yehova kuumika?