CHATELA KUSHAKAMAWU AKWAKRISTU
Toñojokenuña hadi Yehova Mpinji Yejima
Neyi mudimu wakumujimba wunakumwekana wanyi chinateli kutukalila kutwamijaku Wanta nikuloña kwaNzambi muchihandilu chetu. Tunateli nikwiteja mudimu wunateli kutukañesha kumukalakela chiwahi Yehova hela kufumpa yishina yamuBayibolu. Hela chochu, twatela kwiluka chikupu netu Yehova wakamenaña antu “adi nanyichima yalala, yindi chikupu.” (2Ku 16:9) Kwosi chuma chinateli kumukañesha Tata yetu wukweti kukeña kutukwasha nikutwinka yuma yitwakeñaña. (Rom 8:32) Dichi, neyi tunakutonda mudimu wakuzata, twatela kumukuhwelela Yehova nikusha muchima hakumukalakela.—Ms 16:8.
TALENU VIDIYO YA MUKALAKELENUÑA YEHOVA NAWUMI WENU WEJIMA, NAWA AKULENU AWA MALWIHU:
Muloñadi Jason chakaaninayi majika kanwa?
Indi AKolosi 3:23 yinatukundami ñahi?
Yilwilu yayiwahi yaJason yamukwashili ñahi Thomas?
Itejenuña Yehova yayilomboleña muyuma yejima yimwafuukulaña
Indi Matewu 6:22 yinatukundami ñahi?