CHATELA KUSHAKAMAWU AKWAKRISTU
Kuhwelelenu Chikupu Izu daNzambi
Izu daNzambi dinateli kuhimpa chihandilu chetu. (Heb 4:12) Hela chochu, hakwila tudizili kuwunlomboli, nshimbi nikufumba kwekalamu, twatela kwiluka chikupu netu mwamweni ‘hiizu daNzambi.’ (1Te 2:13) Tunateli kukuhwelela ñahi chikupu Bayibolu?
Tañenuña chibalu chimu hefuku-hefuku. Chimukutañaña, wanenu nsañu yinakumwekesha nawu Yehova diyi Nsoneki. Chakutalilahu, shinshikenu kufumba kwekala mumukanda waYishimu nawa dizilenu kumaana ekalamu azatikaña mpinji yejima.—Yis 13:20; 14:30.
Tachikenu kudiza. Ilukishenu nsañu yinakumwekesha nawu Bayibolu ayonena. MuChitwa Chakukwasha aYinsahu jaYehova haKusandujola nsañu yenu hakamutu kanakwila nawu “Bayibolu” kuhiñanu “Ayonena kudi Nzambi.” Munateli cheñi kukuhwelela chikupu munsañu yekala muBayibolu kuhitila mukusandujola nsañu yekala muNsañu Jikwawu A3 muBayibolu yaNsona jaKaayi Kakaha.
TALENU VIDIYO YINAKWILA NAWU CHALETESHAÑA TUKUHWELELI . . . IZU DANZAMBI, NAWA AKULENU AWA MALWIHU:
Chawaniniwu mbañu yatembeli muKarnak, Egypt, chamwekeshaña ñahi nawu Izu daNzambi dalala?
Tuneluki ñahi netu nsañu yekala muBayibolu yahimpa wanyi?
Bayibolu chiyinatwalekihu kwikalaku nimakonu chinakumwekesha ñahi nawu Hizu daNzambi?—Tañenu Isaya 40:8