Indi Nzambi Walala Hinyi?

Kudi Nzambi walala wumu hohu, nawa ijina dindi diyi Yehova. (Masamu 83:18) Nzambi Hispiritu; nawa hitunateli kumumonaku. Watukeña nawa nakukeña nindi ninetu tumukeñi. Cheñi nakukeña nindi tukeñi akwetu antu. (Matewu 22:35-40) Diyi Mukwakubadika, Nleñi wayuma yejima.

Chileñaleña chaNzambi chasambililiyi kuleña, wadiña muntu wabadika wakuspiritu, Yesu Kristu. Yehova waleñeli cheñi añelu.

Yehova waleñeli yuma yejima yamwiwulu . . . niyahamaseki. Chimwekeshu 4:11

Yehova Nzambi waleñeli tutumbwa niiseki niyuma yejima yekalahu.—Kutachika 1:1.

Wawumbili muntu watachi, Adama, nalunkuñu lwamaseki.—Kutachika 2:7.