Watchtower LAYIBULALI YAHAINTANETI
Watchtower
LAYIBULALI YAHAINTANETI
Lunda
  • BAYIBOLU
  • NYIKANDA
  • KUPOMPA
  • jy kapetulu 71 ifu 168-ifu 169 para. 9
  • AFwarisi Anenzi Nakumuwana Iyala Wavwalikili Mputamesu

Vidiyo yimwatonda hosi.

Atwanakeniku mwani, vidiyo yakañanya kwenzunuka.

  • AFwarisi Anenzi Nakumuwana Iyala Wavwalikili Mputamesu
  • Yesu—Diyi Njila, Chalala, niWumi
  • Nsañu Yinadifwani
  • Yesu Nooki Muntu haSabata
    Yuma Yimunateli Kudiza muBayibolu
  • Yesu Nooki Iyala Wavwalikili Mputamesu
    Yesu—Diyi Njila, Chalala, niWumi
  • Kwashenu Amputamesu Amwiluki Yehova
    Mudimu Wetu waWanta—2015
Yesu—Diyi Njila, Chalala, niWumi
jy kapetulu 71 ifu 168-ifu 169 para. 9
Muntu wadiña mputamesu nawa mukakulombalomba nayakuli aFwarisi anahili iku anvwali jindi enda amutala

KAPETULU 71

Afwarisi Anenzi Nakumuwana Iyala Wavwalikili Mputamesu

YOWANU 9:19-41

  • AFWARISI ANAMUWANI IYALA WADIÑA MPUTAMESU

  • ANLOMBOLI JANSANKILILU ‘HIYAMPUTAMESU’

Afwarisi anakaani kwiteja nawu Yesu natoneshi iwu iyala wavwalikili mputamesu, dichi anatambiki avwali jindi. Anvwali aneluki nawu anateli ‘kuyihaña musinagogi.’ (Yowanu 9:22) Neyi ayihaña kulonda abuleña kudikunda nawakwawu aYudeya mukufuma yuma yatama nankashi muchisaka chawu.

Afwarisi anehuli malwihu ayedi nawu: “Iwu diyi mwanenu imwatenaña nenu wavwalikili mputamesu? Hanu dinu, natachiki ñahi kumona?” Anvwali jindi anayakuli nawu: “Tuneluki netu iwu diyi mwanetu nawa wavwalikili mputamesu. Ilaña ochinatachikiyi kumona, etu tuneluki wanyi; hela owu wunatoneshi mesu indi, tunamwiluki wanyi.” Hela chakwila mwanawu nayileji chuma chamwekana, anvwali anakuchina kwakula nawa anahoshi nawu: “Mwihulenu. Wakula dehi. Watela kudihoshela yomweni.”—Yowanu 9:19-21.

Dichi aFwarisi anamutambiki iwu iyala nakumuchinisha nawu akweti wunsahu wunakumwekesha nawu hiyadi kukabadi kaYesuku. Anahoshi nawu: “Mulemeshi Nzambi; etu tuneluki netu iwu muntu himukanshidi.” Iwu iyala wadiña mputamesu nakaani munahoshiwu nakuhosha nindi: “Hela himukanshidi, ami neluki wanyi.” Nabombelihu cheñi nindi: “Chuma chinneluki chakwila nawu nadiña mputamesu, ilaña ichi inakumona.”—Yowanu 9:24, 25.

AFwarisi hiyanakukeña kufuma muniyi nsañuku, dichi anatwalekihu nawu: “Chumanyi chakwilayi? Watonesha ñahi mesu eyi?” Yena nahamuki nakwakula nindi: “Nayileja dehi, ilaña munakutiya wanyi. Munakukeñeladi cheñi kutiya nsañu yoyimu? Ninenu munakukeña kwikala atumbanji twindi tahindi?” Iku anahili aFwarisi anahoshi nawu: “Eyi yeyi kambanji kaniwu muntu, ilaña etu tudi atumbanji twaMosi. Tuneluki netu Nzambi wahosheleña naMosi, ilaña iwu iyala, tuneluki wanyi kunafumiyi.”—Yowanu 9:26-29.

Iwu mukakulombalomba nahayami nawa nahoshi nindi: “Ichi chuma chinanhayamishi chikupu, nenu muneluki wanyi kunafumiyi, henohu watonesha mesu ami.” Dichi iwu iyala nalumbululi munjila yatiyakana antu atiyañayi Nzambi nawa etejañayi nindi: “Tuneluki netu Nzambi hatiyililaña akanshidiku, ilaña muntu wamwakamaña Nzambi nikwila nkeñelu yindi, diyi atiyañayi. Kufuma tuhu kunyaaka kanda chitiyakaneñahu dehi nawu muntu watonesha mesu amuntu wavwalikili mputamesu.” Ichi nenzi nakunkulula nindi: “Neyi iwu muntu hafumini kudi Nzambiku, hadi kukoña chuma hela chimuku.”—Yowanu 9:30-33.

AFwarisi anakaani munakulumbululayi iwu iyala, dichi anamusupishi nawu: “Wavwalikilili munshidi, ilaña wututañisheña?” Dichi anamuhañi!—Yowanu 9:34.

Yesu chinatiyiyi chuma chinamwekani, nenzi nakumuwana iwu iyala nawa namwihuli nindi: “Wunamukuhweleli Mwana kamuntu?” Naakuli nindi: “Mwanta, yenowu muntu hinyi kulonda nimukuhweleli?” Yesu namwakuli hatooka nindi: “Wunamumoni dehi, nawa diyi yeniwu iwunakuhosha nindi.”—Yowanu 9:35-37.

Iwu iyala namwakuli nindi: “Mwanta, namukuhweleli.” Hakumwekesha chikuhwelelu nikalemesha, iwu iyala namufukamini Yesu wunamuleji mazu alema nindi: “Iwu wunsompeshi diwu wunenjilili mukanu kaayi, kulonda antu abulaña kumona amoni nawa amonaña ekali amputamesu.”—Yowanu 9:38, 39.

AFwarisi adihu aneluki nawu hiyamputa mesuku. Indi mudimu waditwambilañawu nawu hiyanlomboli akuspiritu? Anehuli nakudihakwilaku nawu: “Ninetu tudi amputamesu?” Yesu nayileji nindi: “Neyi mwadiña amputamesu, himwadi kwikala nanshidiku. Ilaña chimunahoshi nenu, ‘Munakumona.’ Nshidi jenu jakamana wanyi.” (Yowanu 9:40, 41) Neyi hiyadiña antañishi muIsarelaku, chadi kushikilamu kumukaana Mesiya. Ilaña chineli eluka Nshimbi, chinamukaaniwu anavulumuni chikupu.

  • Muloñadi anvwali jeyala wadiña mukakulombalomba mputamesu, chinachininiwu hanayitambikiwu kudi aFwarisi, nawa anakuli nawudi?

  • Afwarisi anahili nansañwinyi yinaditadikisheñawu?

  • Muloñadi aFwarisi chinateli kubula kumukaaninawu Yesu?

    Lunda Publications (2006-2025)
    Fumenumu
    Iñulenu
    • Lunda
    • Inkenuhu akwenu
    • Hakusetiñila
    • Copyright © 2025 Watch Tower Bible and Tract Society of Pennsylvania
    • Nshimbi Jakulondela
    • Nshimbi Jakujinda
    • Privacy Settings
    • JW.ORG
    • Iñulenu
    Inkenuhu akwenu