KUDIZA 57
Chumanyi Chimwatela Kwila Neyi Mukoña Nshidi Yahamesu Bwi-i?
Hela chakwila munakuzata nañovu kumukeña Yehova nikutondolwela kwila yuma yikumuneñesha, ilaña mpinji yikwawu munateli kuluwañesha. Hela chochu, nshidi yikwawu yekala yahamesu bwi-i. (1 AKorinda 6: 9, 10) Neyi mukoña nshidi yahamesu bwi-i, anukenu nenu Yehova wuchidi wayikeña; nawa nakukeña kuyanakena nikuyikwasha.
1. Chumanyi chitwatela kwila hakwila Yehova atwanakeni?
Antu amukeña Yehova aneñaña neyi amona nawu anakoñi nshidi yahamesu bwi-i. Ilaña akundejewaña namazu ayishiikayi Yehova antu jindi akwila nawu: “Hela chakwila nshidi jenu jichinana nge-e, akajitookesha neyi sino.” (Isaya 1:18) Neyi tubalumuka mumuchima, Yehova wukutwanakena. Twabalumukaña ñahi mumuchima? Neyi tuditoñesha nayuma yitwelili, twalekaña kukoña yuma yatama nawa twalembaña kudi Yehova netu atwanakeni. Nawa twazataña nañovu kuleka yitoñojoka hela yilwilu yatuletesheli kukoña nshidi nikuzata nañovu kulonda tushakameña kwesekeja nanshimbi jaYehova jaloña.—Tañenu Isaya 55:6, 7.
2. Yehova wazatishaña ñahi akulumpi kutukwasha neyi tunavulumuni?
Neyi tukoña nshidi yahamesu bwi-i, Yehova watulejaña “[kutambika] akulumpi achipompelu.” (Tañenu Yakoba 5:14, 15.) Awa amayala atondawu amukeña Yehova ninyikoku yindi. Ashikahu kutukwasha kuwahisha wubwambu wetu naYehova.—AÑalija 6:1.
Akulumpi atukwashaña ñahi neyi tunakoñi nshidi yahamesu bwi-i? Akulumpi asatu hela ayedi akutufumba kuzatisha Nsona. Anateli cheñi kutukolesha nikutukwasha chitunateli kutondolwela kukoña nshidi cheñi. Hakwila akiñi chipompelu kuyuma yatama, akulumpi afumishaña muchipompelu muntu wunakoñi nshidi yahamesu bwi-i nawa wunabuli kubalumuka.
SANDUJOLENU CHIKUPU
Ilukenu chikupu Yehova chatukwashañayi neyi tunakoñi nshidi yahamesu bwi-i.
3. Kushimuna nshidi kwatukwashaña kuhimpa
Nshidi jejima jitwakoñaña twamuneñeshaña Yehova, dichi twamulejañamu. Tañenu Masamu 32:1-5, kuhiñahu hanjekenu hanilu lwihu:
Muloñadi chitwatela kushimwina nshidi jetu kudi Yehova chatela tujiswekeña?
Kubombela hakumulejamu Yehova nshidi jetu, tukwikala nakuwunda muyitoñojoka neyi tutambwila wukwashu kudi akulumpi. Vumishenu VIDIYO, kuhiñahu hanjekenu halwihu lunalondelihu.
Muniyi vidiyo, akulumpi amukwashili ñahi Canon kufunta kudi Yehova?
Twatela kwikala akasunuka nawakulumpi; ekalilaku kulonda atukwasheña. Tañenu Yakoba 5:16, kuhiñahu hanjekenu hanilu lwihu:
Chinateli kuyipelela ñahi akulumpi kutukwasha neyi tuyilejamu yuma yejima?
Shimunenu nshidi jimunakoñi, bayi muyihita akulumpi mumbadiku, nawa itejenu wukwashu waYehova
4. Yehova watiyilaña luwi antu anavulumuni
Neyi muntu wunakoñi nshidi yahamesu bwi-i akaana kulondela nshimbi jaYehova, hatela kwikala cheñi muchipompeluku. Amufumishaña muchipompelu nawa hitwahanjekaña nindiku. Tañenu 1 AKorinda 5:6, 11, kuhiñahu hanjekenu hanilu lwihu:
Neyi iluñi chidavuvumwishaña chikanka, kuhanjeka namuntu wunabuli kubalumuka kunateli kuluwañesha ñahi chipompelu?
Kuhitila mukwimbujola luwi lwatiyilañayi Yehova akanshidi abula kuwanina, akulumpi ayaña nakuwana antu anafumishiwu muchipompelu kulonda ayikwashi. Amavulu anafunti muchipompelu muloña wakuyibabesha, hela chakwila chayikatili, chinayileteshi abalumuki.—Isamu 141:5.
Yehova chelañayi nawakanshidi chamwekeshaña ñahi nawu watoñojokelañaku, wukweti luwi nikukeña?
5. Yehova watwanakenaña neyi tubalumuka mumuchima
Yesu wazatishili chakutalilahu chatukwashaña kwiluka chatiyañayi Yehova neyi muntu abalumuka mumuchima. Tañenu Luka 15:1-7, kuhiñahu hanjekenu hanilu lwihu:
Chumichi chinakuyidizishadi hadi Yehova?
Tañenu Ezekeli 33:11, kuhiñahu hanjekenu hanilu lwihu:
Chumanyi chalema chitwatela kwila hakwila tumwekeshi chikupu netu tunabalumuki mumuchima?
Kufwana kabiña, Yehova wakamenaña nyikoku yindi
AMAKWAWU AHOSHAÑA NAWU: “Inakutiya woma kuyilejamu akulumpi nshidi jinnakoñi, muloña akunfumisha muchipompelu.”
Munateli kumukwasha ñahi muntu wunakutoñojoka muniyi njila?
YUMA YIMUNADIZI
Neyi tukoña nshidi yahamesu bwi-i, ilaña tudanakena nakuleka yuma yatama yitwakoñeleña, Yehova wukutwanakena.
Kuhitulukamu
Chawahiladi etu kushimuna nshidi jetu kudi Yehova?
Chumanyi chitwatela kwila hakwila nshidi jetu ajanakeni?
Muloñadi chitwatela kulejelamu akulumpi neyi tukoña nshidi ahamesu bwi-i?
ILUKILENUHU NSAÑU YIKWAWU
Talenu iyala wumu chamumwekesheleliwu luwi kudi Yehova lwashimunawu haIsaya 1:18.
Akulumpi azataña ñahi nañovu kukwasha antu akoñaña nshidi yeneni?
Chakumwekeshela Akanshidi Kukeña niLuwi (Kaposhi Kakutalila, August 2024)
Talenu chayimwekeshelañawu kukeña niluwi antu abulaña kubalumuka mumuchima.
Chakukwasha Antu Anafumishiwu muChipompelu (Kaposhi Kakutalila, August 2024)
Muchibaaba chinakwila nawu “Nakeñeleña kufunta kudi Yehova,” talenu chaletesheli iyala wumu wabulili kukeña chalala eluki nindi Yehova diyi wamukokeli cheñi.
“Bayibolu Yahimpaña Yihandilu Yawantu” (Kaposhi Kakutalila, April 1, 2012)