Mpanji Yenu Yikali Neyi Munakuhanjeka

Chishina: “Izu dakuhoshela hampinji yayiwahi —Ochidawaha!”—Yish. 15:23.

Chamwekesheliyi Fwilipi Ichi Chilwilu

Fwilipi mukakushimwina nakuhanjeka neyala wakuEtiyopiya wunakutaña muvuñilu mwikalu.

VIDIYO: Fwilipi Wamushimwinini Mwini Etiyopiya

1. Talenu VIDIYO, hela tañenu Yilwilu 8:30, 31. Kufumahu dihulenu awa malwihu:

Indi Fwilipi watachikili ñahi kuhanjeka nindi?
Muloñadi chitukuhoshela netu ichi dichitwatela kutachika kuhanjeka nawantu kulonda tuyileji chalala?

Chumanyi Chitukudizila Kudi Fwilipi?

2. Neyi tukuhanjeka namuntu neyi chitwahanjekaña, chikumukwasha muntu itunakuhanjeka nindi kwikala wakasunuka nawa wukwiteja kutwalekahu kuhanjeka nindi.

Mufwanenu Fwilipi

3. Ikalenu Asoñama. Munateli kwiluka yuma yayivulu kwesekeja nachinakumwekanayi muntu. Komana iwu muntu wudi nampwila yakuhosha nanenu? Hadaha mukumwihula lwihu kushindamena hansañu yamuBayibolu nenu, “Komana mweluka nenu . . . ?” Neyi owu muntu hanakukeña kuhoshaku, bayi mumukakejaku.

4. Diwunjikenu. Bayi mudibimba kulonda mumuleji nsañu yamuBayibolu hayoyenoyu mpinjiku. Wundishenu muchima kulonda muwani himwatela kwiñilila nawa chumichi chikuletesha nsañu yejima kwenda chiwahi. Mpinji jikwawu mukutalila niifuku dikwawu dimwakahanjeka cheñi nanowu muntu.

5. Himpenu. Mpinji jikwawu owu muntu wukutachika kuhosha nsañu yacheñi. Hanjekenu nindi nsañu yamuBayibolu yinateli kumukwasha, hela chakwila oyu nsañu yinambuki nayimwaloñesha.

TALENU CHEÑI

Mukwa. 3:1, 7; 1 Kor. 9:22; 2 Kor. 2:17; Kol. 4:6