Kuwahisha Njila Jetu Jakushimwinamu—Kuhanjeka Kukuletesha Mutachiki Kushimwina

Yesu watwesheli kumushimwina mumbanda kaSamariya muloña watachikili kuhanjeka nindi. Tunateli kuwahisha ñahi njila yetu yakushimwinamu hakutachika kuhanjeka nawantu itwabula kwiluka?

• Ikalenu akasunuka nawa hoshenuña nawantu. Hela wazeyeli, Yesu watachikili kuhanjeka nakulomba menji akunwa. Ninenu munateli kutachika nakwimusha hadaha nakuhosha chikunachi hela yuma yinamwekani mwituña. Anukenu nenu, munakukeña hohu kutachika kuhanjeka nindi, dichi hoshenu nsañu yikumusañumuna. Neyi namwekeshi mpwila wanyi kwakama nehi. Esekenu muntu mukwawu. Mulombenu Yehova mwikali ahamuka.—Nehe 2:4; Yil 4:29.

• Ikalenu asoñama kushimwina nsañu yayiwahi, mumesu awunda. Hoshenu neyi chimwahoshaña mpinji yejima. Chimwamukanjikija muntu kuhosha, wukutiya nsonyi nawa wukuleka kutiya. Neyi mpanji yimanina hakachi, kuneña nehi hela chakwila kanda mumushimwini owu muntu. Neyi mwatiyaña woma kuleja antu nsañu yayiwahi, tachikenu kudiza chakuhanjeka nawantu chakadi kuyishimwina. [Vumishenu nikuhanjeka nsañu yidi muvidiyo 1.]

• Esekenu kuhosha hayuma yikuletesha mutachiki kushimwina kuhitila mukuhosha hayuma yimwakuhwelela yikuletesha owu muntu yehuli lwihu. Mazu ahosheliyi Yesu aletesheli mumbanda kwihula malwihu. Chatachikiliyi kumushimwina nsañu yayiwahi, wakwileña malwihu amwihwiliyi. [Vumishenu nikuhanjeka nsañu yidi muvidiyo 2, cheñi muvumishi nikuhanjeka hansañu yidi muvidiyo 3.]