FUNTILENUKU
KUDIZA 7
Bayi Mulekaku
Chishina: “Atwalekelihu kutañisha nikushimwina nsañu yayiwahi . . . chakadi kuleka.”—Yilw. 5:42.
Chamwekesheliyi Pawulu Ichi Chilwilu?
1. Talenu VIDIYO, hela tañenu Yilwilu 19:8-10. Kufumahu dihulenu awa malwihu:
Chatela tuleki kuhanjeka nawantu neyi anakaani, indi Pawulu watwalekelihu ñahi nakukwasha antu amwekesheli mpwila?
Indi Pawulu wafuntililiku kañahi kudi awantu amwekesheli mpwila, nawa mwahitili mpinji yishika hadihi?
Chumanyi Chitunakudizila Kudi Pawulu?
2. Neyi tunakukeña mukufuntila kwetu mufumi nyikaabu nawa twikali nawatudizi, twatela kuzatisha mpinji niñovu yetu.
Mufwanenu Pawulu
3. Mwendelenu hakwikalayi nampinji. Dihulenu nenu: ‘Mpinjinyi yinatela kumwendela? Wukwikalahu nampinjinyi nawa tukuhanjekela kudihi?’ Ikalenu namuchima wakumwendela, hela oyu mpinji yidi chiwahi wanyi kudi enu.
4. Mushiikenu. Mpinji yejima yimukuhanjeka nindi, mushiikenu mpinji yimwakamwendela cheñi owu muntu. Nawa shenuku muchima kulonda mwakayiku cheñi.
5. Ikalenu nachikuhwelelu. Bayi munyakala kutoñojoka nenu muntu imwabulaña kuwana hetala hela wakasika nanyidimu hakweti mpwilaku. (1 Kor. 13:4, 7) Ilaña, shenuku muchima nawa zatishenuña mpinji yenu chiwahi.—1 Kor. 9:26.