Diwunjikenu

Chamwekesheliyi Yesu Ichi Chilwilu

VIDIYO: Yesu Wadiwunjikili Hakumukwasha Manakwindi

1. Talenu VIDIYO, hela tañenu Yowanu 7:3-5 ni 1 AKorinda 15:​3, 4, 7. Kufumahu dihulenu awa malwihu:

1. Indi amanakwaYesu elili ñahi chayilejeliwu nsañu yayiwahi kudi Yesu?

2. Wunsahwinyi wunakumwekesha nawu Yesu hamudiwili Yakobaku?

Chumanyi Chitunakudizila Kudi Yesu?

2. Twatela kudiwunjika muloña antu amakwawu ashimbulaña hakwila atambwili nsañu yayiwahi.

Mufwanenu Yesu

3. Esekenu njila yikwawu. Neyi owu muntu hanashikeni kwiteja kudizaku, kumukakeja nehi. Neyi chinatwesheki, zatishenu mavidiyo hela yibaaba kulonda yeluki chitwadizaña niwuloku wukutambwilayi.

4. Kumwesekeja namuntu mukwawu nehi. Antu ambuka. Neyi ntaña yenu hela muntu wamwekesha mpwila nakushintajala nansañu yakudiza Bayibolu hela kwiteja chahosha Bayibolu, fwilenu kwiluka chinaleteshi. Kudihu chuma chimu chamukudifukula chashimata mudi yena? Tahindi anakumukaanisha kudi antaña hela akwawu? Mwinkenu mpinji yakutoñojoka hayuma yimunahoshi kulonda yeluki chahosha Bayibolu.

5. Mushenuku mukulomba. Mulejenu Yehova yamukoleshi nawa yekali wababala. Lombenu kashinshi kulonda mwiluki mpinji yimwatela kuleka kufuntila kudi muntu wunabuli kumwekesha mpwila nankashi.—1 Kor. 9:26.