Kuwahisha Njila Jetu Jakushimwinamu—Kuzatisha Mavidiyo Hakudizisha

CHICHALEMENA:

Mavidiyo anateli kuyishika antu hanyichima muloña akudimwena nikuditiyila aweni. Chumichi chikuyikwasha kushaku kashinshi nawa akwanukaña nsañu yinamoniwu. Yehova wazatishaña nankashi yuma yimunateli kumona namesu hakudizisha antu.—Yil 10:9-16; Chi 1:1.

Mavidiyo anakwila nawu Komana Nzambi Wudi Nejina?, Indi Nsoneki yaBayibolu Hinyi?, nawa Tunateli Kwiluka Ñahi Netu Nsañu Yidi muBayibolu Yalala? ninsañu yikwawu yidi hakudiza 2 ni 3 mubuloshuwa yaNsañu Yayiwahi. Mavidiyo adi neyi Muloñadi Wutwatela Kudizila Bayibolu? niChumanyi Chamwekanaña Hakudiza Bayibolu? niChumanyi Chamwekanaña Hetala daWanta? akoleshaña antu kutachika kudiza Bayibolu hela kupompa nanetu. Mavidiyo etu amakwawu niwena tunateli kuyizatisha hakudizisha antu Bayibolu.—km-5/13 3.

YUMA YIMWATELA KWILA:

• Loñolwelenu chadimu vidiyo yimunakukeña kutalisha mwinitala

• Loñeshenu lwihu lumu hela ayedi akwakulawu muvidiyo

• Talilenu hamu namwinitala vidiyo

• Hanjekenu hayikuma yamaneni

ESEKENU IYI NJILA:

• Balumunenu kunyima yatilakiti kulonda mumuleji koodi yikumutwala havidiyo yaMuloñadi Wutwatela Kudizila Bayibolu?

• Mutalishenu vidiyo yaTunateli Kwiluka Ñahi Netu Nsañu Yidi muBayibolu Yalala? nawa mwinkenu buloshuwa yaNsañu Yayiwahi, nikumuleja kudiza 3