Chakuzatisha Mavidiyo Akuzatisha haKudiza Bayibolu

Tukweti mavidiyo awana akuzatisha hakudiza Bayibolu mumudimu wakushimwina. Awa mavidiyo ayiloñeshelelidi?

• 

  Muloñadi Wutwatela Kudizila Bayibolu?​—Yejima ayiloñesheli kulonda yisañumuneña antu mpwila hichikweti muloña nayuma yakuhwelelawuku. Yakoleshaña antu anakuyitala kukeñakeña muBayibolu ñakwilu yamalwihu alema nikuwana ñakwilu yapela yekalamu. Yalumbululaña chakwila neyi muntu nakukeña kudiza.

• 

  Muloñadi Wutwatela Kudizila Bayibolu? (yakwihihisha) Nsañu yidimu yinadifwani nansañu yidi muvidiyo yejima ilaña yayihi chikupu. Yinateli kuzatika chiwahi nankashi mumaluña mwekala antu abula mpinji.

• 

  Yumanyi Yamwekanaña haKudiza Bayibolu? Ayiloñesheli kulonda yisañumuneña antu kwikala nampwila muprogramu yetu yakudiza Bayibolu nawa yakula malwihu amakwawu kutalisha haBayibolu, kushilahu nichakulomba kudiza.

• 

  Chinawahi Chimunawani Mpinji yaKudiza Bayibolu Ayiloñesheli kulonda mutambisheña atudizi aBayibolu. Hela iyi vidiyo ayisha hefu damuchiyedi mumukanda waMunateli Kwikala naMuzañalu Haya Nyaaka! Munateli kuyimwekesha neyi munakuhanjeka mubroshuwa yaMunateli Kwikala naMuzañalu Haya Nyaaka! Iyi vidiyo yashimuna yuma yidi mumukanda nikushimuna yuma yikuwanayi hampinji yinakudizayi.

Hela chakwila vidiyo hividiyo ayiloñesheli kwesekeja nankeñelu yachu, munateli kuyimwekesha hela kuyitemeshela antu mpinji yidi yejima neyi chinatwesheki. Akakushimwina ayikoleshaña kuyiluka awa mavidiyo nikuyizatisha mumudimu wakushimwina.