MALWIHU AMUBAYIBOLU ANAYAKULI

Komana afu twamba kayimona cheñi?

Kufwa kudi neyi kukama tulu muloña afu kwosi chuma chelukawu nawa kwosi chuma chelañawuku. Hela chochu, Nleñi yawumi wetu nateli kuyifuntisha afu cheñi kuwumi kuhitila mukusañuka. Hakwila yamwekeshi nindi wakelamu, Nzambi wamwinkeli Yesu ñovu yakusañula antu amavulu afwa dehi.—Tañenu Mukwakutañisha 9:5; Yowanu 11:11, 43, 44.

Nzambi nakani nindi afu adi muyitoñojoka yindi wakayisañula nawa akekala nawumi mwituña dadiha daloña. Antu akasañulawu akutwalekahu kwikala afu sampu Nzambi nayinki cheñi wumi. Nzambi watwesha yejima nakufwila kuzatisha ñovu yindi kulonda yafuntishi cheñi antu kuwumi.—Tañenu Yoba 14:14, 15.

Indi antu akasañulawu akekala ñahi?

Hampinji yakasañulayi Nzambi antu, awa antu akadiluka aweni, amabwambu jawu niyisaka yawu. Hela chakwila mujimba wamuntu watokaña, Nzambi wakasañula yowenona muntu wafwili namujimba wawuha.—Tañenu 1 Akorinda 15:35, 38.

Antu antesha hohu diwu asañukaña nakuya mwiwulu. (Chimwekeshu 20:6) Amavulu akasañulawu akekala cheñi nawumi muparadisa yahamaseki yikatuñululawu. Akayinka mpinji yakutachika chihandilu chachiha, nawa akekala nachikuhwelelu chakushakama haya nyaka.—Tañenu Masamu 37:29; Yililu 24:15.

Neyi munakukeña nsañu yikwawu, talenu kapetulu 6 ni 7 kawunu mukanda, Chumanyi Chacheni Chatañishaña Bayibolu?, wasonekawu kudi aYinsahu jaYehova

Loñololenu iyi magazini ha www.jw.org

[Mwevulu wudi hefu 16]

Indi kufwa kwekala ñahi neyi tulu?