MUTU WUDI HEFU DATACHI | A YINSAHU JAYEHOVA HIYANYI?
Muloñadi chitwashimwinaña?
Hadaha twambukaku hamuloña wamudimu wetu wutwazataña wakushimwina kwitala nikwitala, kumaluña kwekala antu amavulu nikumaluña ejima kwekala antu. Muloñadi chitwashimwinaña?
A Yinsahu jaYehova ashimwinaña muloña akeñaña kuhameka ijina daNzambi nikutiyakesha ijina dindi. (Aheberu 13:15) Twovwahilaña cheñi lushimbi lwaheniyi Kristu Yesu lwakwila nindi: “Dichi yenu mwakelishi atumbanji munyuza yejima, . . . mwakayileji kuhemba yuma yejima yinayilejenu.”—Matewu 28:19, 20.
Cheñi, twayikeña akwetu antu. (Matewu 22:39) Hela chochu, tweluka netu antu amavulu akweti yuma yakuhwelelawu nawa bayi neyi antu ejima etejaña nsañu yitwashimwinañaku. Ilaña tweluka netu nsañu yamuBayibolu diyi yinateli kuyamwina. Dichi, twatwalekañahu ‘nakushimuna chakubula kuleka nsañu yayiwahi yaKristu,’ neyi cheliluwu akwaKristu akusambila.—Yililu 5:41, 42.
Sociologist Antonio Cova Maduro wasonekeli kutalisha “hadi aYinsahu jaYehova chiyazatañawu nañovu nikukala kwamonañawu chakwila azataña nankashi kulonda ashikiji iyi nsañu kwakumina iseki dejima.”—El Universal newspaper, Venezuela
Antu amavulu atañaña nyikanda yetu, hiyaYinsahu jaYehovaku. Nawa antu amavulu itwadizaña nawu Bayibolu ekala munsakililu yacheñi. Ilaña atiyaña kuwaha neyi ayendela kudi aYinsahu jaYehova.
Hekwawu mudi namalwihu amakwawu kutalisha hadi Yinsahu jaYehova. Mwani wanenu ñakwilu kuhitila
Mukwihula Chinsahu chaYehova
Yenu hawebu sayiti yetu ya www.jw.org/lun.
Mukupompa nanetu, hitwafweteshañaku nawa iku kupompa kwawantu ejima.