Chikasha chaMalwihu

◼ Nyikandanyi yiyedi yitwatela kudiza nawatudizi etu aBayibolu?

Mukanda waChatañishaña Bayibolu dimukanda wetu waweni wakutachika nachu nikulombola kudiza kwaBayibolu kwahetala. Hela chakwila hiyanalekeshi kuzatisha mukanda wukwawu chidi neyi trakiti yatelela kuzatisha hakutachika kudizaku, mwatela kuzata nañovu kulonda muhimpi nakuzatisha mukanda waChatañishaña Bayibolu chakubula kunata mpinji. Kuhitila mukuzatisha mukanda waChatañishaña Bayibolu hakutachika kudiza kwaBayibolu munakufuma wunsahu wawuwahi.

Neyi munamanishi mukanda waChatañishaña Bayibolu nawa kadizi nakuyilaku hambidi, mwatela kutachika kudiza mumukanda waDifukulenu kudi Nzambi. (Kol. 2:7) Ifu 2 dalumbulula nkeñelu yaniwu mukanda nawu: “Bayibolu yalejaña ejima amukeña Nzambi ‘kukwata ñovu yakushinshika . . . mukuleha kwiwulu, nimukukunama’ kwayuma yalema yalala. (Aefwesesa 3:18) Dimuloña waweni, wunasonekeluwu awunu mukanda. Tunakuhweleli netu wukuyikwasha kukulilaku lwakuspiritu nakwikala awanina chachiwahi hakwenda munjila yanyanya yalombolaña kuwumi mwituña dadiha dadiwahi daNzambi.”

Neyi kadizi nashikuhu kupapatishewa henohu kanda mumanishi nyikanda yejima yiyedi, mwatela kutwalekahu kudiza sampu munamanishi mukanda wamuchiyedi. Hela chakwila kadizi napapatishewi, mukwakulombola watela kuchinda mpinji, kufuntilaku nikudiza kwaBayibolu. Mukwakushimwina wunayi namukwakulombola neyi nakuhoshahu niyena watela kuchinda mpinji.