Kupompa kwaÑinza Kwakatukwasha Kukiña wuSpiritu Wetu
1. Chumanyi chatwinkañayi Yehova kulonda kutukwasha kukalakala mudimu wetu wakushimwina nsañu yayiwahi?
1 Yehova watukoleshaña, watufumbaña, nikutwinka nsañu yitwakeñaña kulonda tukalakali mudimu watwinkayi wakushimwina nsañu yayiwahi. (Mat. 24:14; 2 Tim. 4:17) Kupompa kwetu kwañinza kwaha chaaka nichaaka hinjila yimu mwatufumbilañayi nikutukolesha. Progiramu yayiha yakupompa kwañinza yachaaka chamudimu cha 2010 yikekala namutu wuna kwila nawa, “Kiñenu wuSpiritu Wenu,” kufuma haAroma 8:5 niYuda 17-19. Iku kupompa kukatachika mumulungu waAugust 31, 2009.
2. (a) Indi kupompa kwañinza kwakatukwasha munjilanyi? (b) Indi kupompa kwañinza kwakunyima kwayikwasha ñahi mumudimu wakushimwina?
2 Chitwakahetelamu: Iyi progiramu yikatusoñamisha kuwubanji wudi neyi yuma yatumanishilaña mpinji niyuma yatuluwañeshaña kwila nyidimu yalema. Twakadiza chakushinda yililu yatama, nawa twakadiza cheñi chalumbuluka kwikala muntu wawuspiritu. Mpanji yakulondashana yakekalaku haMulungu yakashimuna yuma yatela kwilayi muntu halwindi niyisaka kulonda kukolesha wuspiritu wawu neyi chikuhwelelu chawu anacheseki nikumona ikakeja dasweja. Progiramu yakatukwasha kukiña nyichima yetu, kwikala akola kuspiritu, nikutalila nkisu yayivulu yachiñejañawu antu akiñaña wuspiritu wawu.
3. Mafukwinyi imwakapompa kupompa kwañinza, nawa munafuukuluhu chumanyi?
3 Chimweluka mafuku niiluña dimukapompela kupompa kwañinza diloñeshenu kulonda mwakapompi nikutiyilila kuyibalu yejima mafuku ejima. Ilukenu nenu Yehova wakiswilaña antu adikita.—Yish. 21:5.
4. Chumanyi chitunakutalila hakupompa kwetu kwañinza kudi hambidi?
4 Chalala, Yehova diyi Mukwakuhana ichi chamukunkulu chachiwahi. Progiramu yinaloñeshuwu kudi izanvu danduñu wamaana nikashinshi yikatukwasha kutwalekahu kwikala ankalakali akwaKristu. Twamusakililaña Yehova hayuma yatuloñeshelañayi kulonda kutukwasha ‘kukakela kwiteja kwakuchiñeja kwetu mbe, chakubula kujinoka.’—Heb. 10:23-25; Yak. 1:17.