Chuma Chaloñeshelawu Ankalakali akwaKristu
1 Muchaaka cha 1938 mukuloñesha kwaYehova mwekalili progiramu yayiha. Yipompelu yayivulu ayitambikili kuya nakupompa kwazoni, makonu akutenaña nawu kupompa kwañinza. Kupompa kweniku kwadiña nankeñelwinyi? Informant (makonu ayitenaña nawu Mudimu Wetu waWanta) yamuJanuary 1939 yakwili nawu: “Iku kupompa himbadi yaKuloñesha kwaYehova kwaTeokalatiki kwaloñeshawu hakulombola mudimu windi waWanta. Nshimbi yaloñeshañawu haniku kupompa yakwashaña ejima kulonda kuzata chiwahi mudimu wayinkawu.” Neyi tushinshika kuvula kwawakwakushimwina aWanta adiña 58,000 hohu mu 1938 nakuvula kwawakwakushimwina abadikili 7,000,000 mu 2009, tukumona netu kupompa kwañinza chalala kwazataña mudimu wakukwasha ankalakali “kuzata mudimu wayinkawu.”
2 Mutu waKupompa kwaÑinza kwaChaaka Chinakwinza: Tunakutalila kupompa kwañinza kukatachika muSeptember nichikwakatukolesha. Mutu wunakwila nawu “Enu Himudi Ampata Yamunu Mwishinaku” kufuma hamukanda waYowanu 15:19. Mpanjinyi jikwawu jikakwasha ankalakali akwaKristu? Hamposu twakatiyilila kumpanji yikahoshaña nawu “Mudimu waMpinji Yejima Watukiñaña—Munjilanyi?” Twakatiyilila cheñi mpanji yakulondashana yikweti mbadi jisatu “Bayi Ayitamisha Kudi . . .” “Kanyamaku,” “Chivumbi Munenuku,” ni “Akwakulandululaku.” Hamulungu twakatiyilila mpanji yakulondashana yidi namutu wunakwila nawu “Mukeñenu Yehova, Bayi Mpata yaMunu Mwishinaku.” Mpanji jikwawu jakahoshaña nawu “Twalekenuhu Kwikala ‘Enyi niAkwakwenda Mwambala,’” ni “Kolenu! Munateli Kwimika Mpata Yamunu Mwishina Mushindu.”
3 Hanyima yakupompa kupompa kwañinza muhela wumu wafuntili hanyima mumudimu wakushimwina wasonekeli kutalisha haprogiramu nindi yamuleñeleli kushinshika chihandilu chindi nikufuukulahu “kuya nakushimwina nikuleka kuleyaleya.” Chakadi kujina kupompa kwañinza kwachaaka chamudimu chachiha kukatukwasha wejima wetu kumukeña Yehova kubadika kukeña mpata yamunu mwishina. (1 Yow. 2:15-17) Zatenu nañovu kulonda mukapompi nikutiyilila nakanañachima hakwila mwakahetelumu chikupu muchuma chaloñeshelawu ankalakali akwaKristu.
[Malwihu aKuzatisha haKudiza]
1. Progiramwinyi yayiha yatachikili mu 1938, nawa yadiña nankeñelwinyi?
2. Nsañwinyi yikahoshawu hakupompa kwetu kwañinza kwachaaka chamudimu chachiha?
3. Yumanyi yitukahetelamu neyi tuya kukupompa kwañinza?