Progiramu Yayiha yaKupompa kwaÑinza

Tunatweshi kudikaña ñahi nawantu adimbululaña kudifukula kwalala? Tunateli kushinda ñahi ñovu yaSatana yatwesekaña mpinji yejima kulonda tufunti kuyililu yatama yamukaayi? Progiramu yakupompa kwañinza yachaaka chamudimu cha 2009 yikakula awu malwihu alema. Mutu wunakwila nawu: ‘Fwomonenuña Yatama naYayiwahi.’ (Rom. 12:21) Iyi yuma yinalondeluhu diyi yidi muprogiramu.

Nkoñi wankambi wakuhosha iji mpanji, “Anatukoleshi Kufwomona Yatama naYayiwahi,” “Tondolwelenu Kusweja Kudikuhwelela!,” “Kutama Kwejima Keña Kumani,” nimpanji yinakwila nawu “Kukolesha Chikuhwelelu Chetu Kulonda Tufwomoni Kaayi.” Nkoñi wañinza wukahosha mpanji jinakwila nawu, “Ayinu hiMpinji Yakutona!” kufuma hamukanda waAroma 13:11-13, nimpanji yinakwila nawu, “Bayi Muzeya Hefuku Dakalaku,” kufuma haYishimu 24:10. Cheñi tunakutalila kutiyilila mpanji yankoñi wañinza yikahoshaña nawu: “Kuta Maana kuYuma Yinakukeñeka muÑinza.” Mpanji yikwawu yakukolesha yikahoshaña nawu, “Komana Munateli ‘Kusha Muchima Kuniwu Mudimu’ Kuhitila Mukuzata wuPayiniya?” Mpanji yakutachikilahu yakulondashana kuyedi yidi namutu wunakwila nawu “Dikañenu naTufuta twaDiyabolu.” Yikatukwasha kwiluka nikukana tufuta twaDiyabolu munsañu Yakutuñatuña, Yisela, niShikola. Mpanji yakulondashana, “Ikalenu naÑovu Yakwimana Mwifuku Datama” yikatuleja chakuzatisha chikupu kufumba kwonenewa kwekala haAefwesesa 6:10-18.

Hadi kunuñañana hakachika kakufwomona ntachikilu yayuma yatama nikushimwina nsañu yaWanta. (Chim. 12:17) Dimuloña waweni Satana chinakutwalekahu kulukuka aYinsahu jaYehova. (Isa. 43:10, 12) Hela chochu, Satana wakakañanya chikupu muloña tunafuukuluhu ‘kufwomona yatama nayayiwahi.’ Diloñeshenu kulonda mwakahetelumu chikupu muyibalu yejima yiwana yakupompa kwañinza.