Hembenu
Komana Munakuzatisha Awa maBuloshuwa?
Nzhila Yaya kuWumi Wahaya Nyaka Munayiwani?
Ayisoneka kulonda yikokoli akakwitiya
Chakuyihana: “Chineli kudi jinsakililu jajivulu makonu, komana mwadihulahu dehi chitwatela kwiluka nsakililu yetejayi Nzambi?” Neyi nakuli dehi, bakulenu hefu 19. Hanjekenu haparakalafu 4 nawa mwihulenu mwiniitala neyi neteji nindi antu ekala munsakililu yalala atela kukeñañana nikumwekesha kukeña kudi akwawu. Tañenu Yowanu 13:35 nawa mwinkenu buloshuwa.
Munateli kweseka kuzatisha iyi njila: Neyi mwiniitala natambuli buloshuwa, hoshenu nenu “Chibalu 7 chayinu buloshuwa chashimuna yinjikijilu yitanu nakamu yakwilukilaku kwitiya kwalala. Nakatiya kuwaha neyi nifunta kulonda twakahanjeki nenu haniyi nsañu.”
Aspiritu Awafu—Komana Anateli kuKukwasha Hela kuKukatisha?
Ayisoneka kulonda yikokoli antu akulila muyisemwa mwachinañawu chikupu afu. Yinateli cheñi kukwashana hakuhanjeka nawantu akuhwelela nawu kwekala kaluña kachinana
Chakuyihana: “Nsañu jajivulu jashimunañawu jamwekeshaña nawu antu ahanjekaña nawaspiritu awafu. Komana tunateli kuhanjeka nawafu? (Tañenu Mukwakutaŋisha 9:5. Kufumahu mulekenu yaakuli) Bakulenu hefu 4 nawa hanjekenu maparakalafu 4 akutachikilahu. Iyi buloshuwa yinakushimuna nsañu yayivulu kutalisha haniyi nsañu.”
Munateli kweseka kuzatisha iyi njila: Neyi mwiniitala natambuli buloshuwa hoshenu nenu, “Hanu dinu nsañu yashimunañawu antu nawu ayitiya yafumaña kudihi?” Mulejenu kulonda mwakahanjeki maparakalafu atanu nasatu akutachikilahu akapetulu adi hefu 13 chimwakafuntaku lwendu lukwawu.
Neyi muntu imwakeña nafwi
Ayisoneka kulonda yikokoli antu anafwishi, hela akweti antaña niamabwambu anakukeña kuyikundeja
Chakuyihana: “Kufwa hichuma chaneñeshaña chisaka chikupu. Antu amavulu adihulaña kutalisha hachatela kukundejawu yisaka yinafwishi. Munatoñojokuhu nenudi?” Mulekenu yaakuli. Kuhiñahu bakulenu hefu 30, nakumuleja nyevulu yansañu yakusañuka. Twalekenuhu nenu: Bayibolu yatushiika nawu Nzambi keña yafumishuhu yuma yakabishaña antu. [Tañenu Yililu 24:15] Kufumahu tañenu parakalafu 2 ni 3 hefu 30 nawa hanenu buloshuwa.
Munateli kweseka kuzatisha iyi njila: Neyi natambuli buloshuwa, hoshenu nenu, “Ayinu buloshuwa yahosha yuma yayivulu yayiwahi kutalisha hankeñelu yaNzambi yakumbidi. Nakatiya kuwaha neyi nifunta kulonda twakahanjeki nenu haniyi nsañu.”
Wunatweshi Kwikala Ibwambu daNzambi!
Ayisoneka kulonda yikokoli antu abula kutaña nankashi hela abula kwilukisha kutaña
Chakuyihana: “Komana mwatoñojokaña nenu tunateli kwikala amabwambu jaNzambi? [Mulekenu yaakuli. Kufumahu tañenu Yakoba 2:23.] Iyi buloshuwa ayisoneka kulonda yitukwashi kwikala amabwambu jaNzambi neyi chadiña Abarahama.”
Munateli kweseka kuzatisha iyi njila: Chili halwendu lwatachi hela hakufuntilaku, mwekeshenu chakudiza Bayibolu kuhitila mukuhanjeka hamu chibalu chejima chaKudiza 1 hela chikunku.