Konkomwenenu Kutachika Kudizisha Antu Bayibolu Mposu Yatachi
Kutachika muMay 2011, akwakushimwina ayikolesheli kutachika kudizisha antu Bayibolu Mposu yatachi kakweji nikakweji. Hakwila atukwashi kwila mwenimu, muKaposhi Kakutalila kwawantu amavulu asonekañamu chibaaba chakwila nawu “Malwihu amuBayibolu Anayakuli.” Dichi hakuhumañana kwakuya mumudimu wamwiha kwekalañaku haMposu yatachi mukakweji, mwatela kuhanjeka chakuzatisha ichi chibaaba hakutachika kudizisha antu Bayibolu nawa mwatela kumwekesha nichimwenu.
Aeluda atela kutondahu neyi chakwila izanvu niizanvu dinateli kuhumañana nkawadu hakuya mumudimu wamwiha Mposu yatachi hela anateli kufukulahu nawu mazanvu ahumañeneña hamu hadaha Hetala daWanta. Hela chochu, neyi yipompelu yayivulu yazatishaña Itala daWanta, kwosi chipompelu chatela kuhimpa idi ifuku dadimena dakutachika kudizisha antu Bayibolu kulonda akahumañeni hamu kuhumañana kwamumudimu wamwihaku.