Komana Munateli Kushimwina Nawu?

Muyipompelu yayivulu mwekala akwakushimwina abulaña kuzata chikupu mumudimu wakushimwina muloña ayekelaña nayikatu hela wushinakaji. (2 Kor. 4:16) Komana munateli kuleja mukwakushimwina wamuchidiwu kulonda mukayi nindi kudi kadizi waBayibolu? Neyi mukwakushimwina watweshaña wanyi kufuma hetala dindi, hadaha munateli kumudizishila kadizi hetala dindi. Komana munateli kutanjika namukwakushimwina wakatakataña hela washinakaja dehi kulonda mukayi nakushimwina kwitala nikwitala hamatala antesha hela kufuntila kudi muntu wumu hela ayedi? Akwakushimwina amavulu ashinakaja dehi eluka chakushimwina. Dichi neyi muzata nawu himukuyikolesha wena hohuku. Anenu nawa mukuhetelamu. (Rom. 1:12) Kubombelahu, Yehova wamba kayikiswila chimwazataña nañovu hakumwekesha kukeña muniyi njila.—Yish. 19:17; 1 Yow. 3:17, 18.