Chakwila

HaKampeni Kakutambika Antu kuChanukishu

“Tunakuhana chipapilu chakutambika nachu antu kuchidika chasweja kulema. HaApril 14, antu amavulu mukaayi kejima akapompa nakwanakana kufwa kwaYesu Kristu nawa akatiyilila kumpanji yaBayibolu yakahanawu chakadi kufwetesha, yikalumbulula chitwahetelañamu mukufwa kwindi. Ichi chipapilu chinakushimuna mpinji niluña kwakekalila Chanukishu mwiluña detu.”

Kaposhi Kakutalila March–April

“Tunayendeli hakapinji kantesha kulonda tuhanjeki hachuma chatuyandishaña wonsu wetu, kufwisha muntu itwakeña. Mukwiteja nenu kufwisha ibwambu hela ntaña hichuma chakala kuumika? [Mulekenu yaakuli.] Antu amavulu awana kwila nawu iyi vasi yamuBayibolu yayikundejaña. [Tañenu Isaya 25:8.] Iyi magazini yinakulumbulula hachikaninu chamuBayibolu chatukoleshaña chashimuna nawu kufwa kwamba kamana nawa antu itwakeña akayisañula.”

Awake! April

“Tunenzi nakuyileja chuma chinateli kuyikwasha kumanisha kukala kunasweji. Antu amakwawu amonaña nawu anakuyanda chikupu muchihandilu chawa chakwila akeñaña kudijaha. Neyi muntu naneñi chikupu, komana munakutoñojoka nenu muntu nakukeña kufwa tahindi nakukeña hohu kufuma muyihuñu yinakumonayi? [Mulekenu yaakuli.] Talenu ichi chikaninu chamuBayibolu chinakwashi antu amavulu kutwalekahu kutoñojoka hayuma yayiwahi. [Tañenu Chimwekeshu 21:3, 4.] Iyi magazini yinakushimuna yuma yayiwahi yisatu yinateli kukwasha muntu yatwalekuhu kuhanda hela chakwila namona makabi.”