Kuwahisha Njila Jetu Jakushimwinamu—Kushimwina Mwiluña Dakuselujolila
Chikwalemena: Chineli antu amavulu azataña mpinji yeneni, njila yimu yayiwahi yakuyishimwina nsañu yaWanta yidi yakuyendela kumaluña kwazatilañawu. Kushimwina mumaluña akuselujolila munateli kufuma yuma yayiwahi, muloña antu twayiwanaña nawa akwanyidimu atutambwilaña chiwahi muloña atoñojokaña nawu tudi akasitoma. Hakwila ashimwini chiwahi, akwakushimwina atela kubabala nawa atela kuvwala nikumwekana chiwahi. (2 Kor. 6:3) Dichi, nkoñi wamudimu watela kwiluka mapampa atela kuzatilawu mwiluña dakuselujolila niantu atela kuzatilamu.
Esekenu Iyi Njila Mukanu Kakweji:
Hakudifukula kwenu kwaChisaka kwamelela kukalondelahu, mwakeli chimwenu chachihi chimwatela kuzatisha neyi mwazatilaña mwiluña dakuselujolila.