Chakuzatisha buloshuwa—yaMutiyililenu Nzambi

Buloshuwa yaMutiyililenu Nzambi ayisonekeli kulonda kudizisha nachu antu chalala chamuBayibolu kuzatisha nyevulu sweje-e antu abula kwilukisha kutaña. Hamafu ejima ayedi akudiza kudi kwejima hadi nyevulu yaloñeshawu chiwahi yikweti yinjikijilu yinakufumisha nsañu hamwevulu wumu nakutwala hamwevulu wukwawu.

Buloshuwa yaMutiyililenu Nzambi Kulonda Mukahandi Haya Nyaaka yikweti nyevulu neyi yidi mubuloshuwa yaMutiyililenu Nzambi, ilaña yikweti nsona jajivulu nawa munateli kuyizatisha hakudizisha antu eluka kutaña. Kakavulu akwakushimwina azatishaña iyi buloshuwa neyi mukanda wakulombola nachu hampinji yinakuzatishayi kadizi buloshuwa yaMutiyililenu Nzambi. Hamafu amavulu hekala yikasha mwekala nsañu yikwawu yimunateli kuhanjeka, kwesekeja nawuswa wakadizi.

Munateli kuhana awa mabuloshuwa kala mpinji, hela chakwila himunakuyihana munowu kakwejiku. Neyi munakudizisha kadizi, zatishenu nyevulu kulonda mulumbululi nsañu yamuBayibolu. Mwihulenu kadizi malwihu kulonda yahoshihu nawa mwiluki neyi natiyishi. Tañenu nikuhanjeka hajinsona jindi heshina defu. Hanyima yakumanisha iyi buloshuwa, tachikenu kudiza mumukanda waChumanyi Chacheni Chatañishaña Bayibolu? hela waYumanyi Yinateli Kutudizisha Bayibolu? Kulonda mumukwashi kadizi wenu yashiki kukupapatishewa.