Diluñishenuña Chikupu Kudiza Bayibolu Halwenu

CHICHALEMENA: Kudiza Cizu daNzambi halwetu kwatukwashaña “kutiyisha chikupu mwatalisha wihi, kuleha, chiminu nikukunama kwachalala.” (Efw 3:18) Cheñi kwatukwashaña kutwalekahu kwikala akadi hakutwinkela muloña niakadi ihuji mukanu kaayi katama nakutwalekahu kukwatisha “chikupu kumazu ahanaña wumi.” (Fwi 2:15, 16) Kudiza Izu daNzambi halwetu kwatukwashaña kwiluka chakutonda yuma yakumujimba yitunakukeña hamuntu-hamuntu. Yumanyi yitwatela kwila kulonda tudiluñisheña chikupu kutaña nikudiza Bayibolu?

YUMA YIMWATELA KWILA:

• Funjekenu mavasi hela sonekenu muBayibolu yimwazatishaña hakudiza kwahalwenu, hachipapilu hela hachozelu

• Neyi munakudiza Izu daNzambi dihulenu awa malwihu: ‘Hinyi? Chumanyi? Mpinjinyi? Kudihi? Muloñadi? Ñahi?’

• Tiyishishenu walala. Zatishenu yozelu yakusandujola nachu, sandujolenu hamutu-hamutu hela havasi yamuBayibolu

• Toñojokenu hansañu yimunadizi kulonda mwiluki chiyikuyikwasha

• Zatishenu yuma yimwadizaña hefuku-hefuku.—Luk 6:47, 48

TALENU VIDIYO YA ‘KWATISHENUÑA CHIKUPU’—KUHITILA MUKUDILUÑISHA KUDIZA BAYIBOLU HALWENU NAWA AKULENU MALWIHU ADI HESHINA:

• Antu amakwawu akulumbululaña ñahi kudiza Bayibolu?

• Muloñadi chitwatela kutachikila nakulomba mpinji yejima hakudiza kwahalwetu?

• Chumanyi chinateli kutukwasha kutiyishisha nsañu yamuBayibolu?

• Yinjikijilwinyi yitunateli kusha muBayibolu yitwazatishaña hakudiza?

• Kutoñojokahu hansañu yitunadizi Mwizu daNzambi kwalemenadi?

• Twatela kwiladi nansañu yitwadizaña?