Munateli Kudizilaku Yumanyi Kutumina Twadimena?

Tuminanyi twadimena tumwakeña nankashi? Muloñadi? Munamoni nenu mavidiyo atumina amwekeshaña yuma yinakumwekanaña muchihandilu? Chineli tukweti tumina twatuvulu nawa tukweti nyitu yashiyashana, wejima wetu tunateli kudiluñisha. Itu tumina twadimena nimavidiyo atumina jatutiyishaña kuwaha nikutudizisha.

Kamina kadimena kejima katudizishaña yuma yalema yitunateli kuzatisha muChihandilu nimudimu wanetu akwaKristu. Tumina tukwawu twahoshaña nankashi hachisambu, kunuñañana, wubwambu, kuhamuka, kukeña nichikuhwelelu. Tukwawu twahosha hakufunta kudi Yehova, kwanakena, kuhemba kashinshi, nikufwila nyidimu yakuspiritu. Kudi nikamina kakwawu kadimena kanakuhosha hakuzatisha chiwahi mafoni. Yumanyi yikwawu yalema yimunadizili kutumina twadimena?

TALENU VIDIYO YAKAMINA KADIMENA, PARADISA YIDI MUKAMWIHI, NAWA AKULENU AWA MALWIHU:

• Yumanyi yayiwahi yinakutoñojokawu atushinakaji adisumbula yikatambwilawu kumbidi?—Kut 12:3

• Twakoleshaña ñahi chikuhwelelu chetu neyi tutoñojoka hañovu yikwetiyi Yehova yakushikija yuma yakanayi?

• Yumanyi yikumwekana katataka yitunakutalila hadi antaña jetu afwa dehi?

• Kuchiñeja yuma yikela Wanta kwatukwasha ñahi kuumika kukala kutunakumona?—Rom 8:25