Mushimekenu Yehova Kuhitila Mukwikala Apayiniya

AIsarela adiña nayuma yayivulu yakumuhamekelahu Yehova. Wayifumishili muEjipitu nawa wayipulwishili kudi mashidika aFwaro! (Kwi 15:1, 2) Yehova natwalekihu kwilila antu jindi yuma yayiwahi. Tunateli kumwekesha ñahi netu tudi namuchima wakusakilila?—Ms 116:12.

Njila yimu hikuzataku wupayiniya wakukwasha hela wampinji yejima. Lombenu mwikali namuchima niñovu yakufwila kuzata wupayiniya. (Fwp 2:13) Amavulu atachikaña nawupayiniya wakukwasha. Munateli kutondahu kuzata maora 30- hela 50- mukakweji kaMarch niApril nimukakweji kayendelañayi nkoñi wañinza. Neyi mutiya muzañalu wekalaña mukuzata wupayiniya wakukwasha, munateli kukeña nikuzataku wampinji yejima. Niantu amakwawu azataña mpinji yejima hela akatakataña atweshaña kuzataku wupayiniya wampinji yejima. (mwb16.07 8) Mwalala, Yehova watelela kumuhameka nachitwazataña nañovu!—1Ku 16:25.

TALENU VIDIYO YAAHELA ASATU MUMONGOLIA, NAWA AKULENU AWA MALWIHU ANALONDELIHU:

• 

  Kukalanyi kwashindiliwu awa ahela asatu hakwila ekali apayiniya?

• 

  Nkiswinyi yinafumimu?

• 

  Yumanyi yayiwahi yinafumimu muloña wakukalakala wupayiniya wampinji yejima?

• 

  Yuma yeliliwu yakwashili ñahi amakwawu?