SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Zatishenuña Yozelu Yakusandujolamu
Yehova watwinka yozelu yakudizisha nachu chiwahi, yidi neyi mavidiyo, matilakiti, magazini, mabroshuwa, nyikanda nichitwa chetu chitwazatishaña mpinji yejima, Bayibolu. (2Ti 3:16) Watwinka cheñi yozelu yakusandujola nachu yakutukwasha kulumbulula chiwahi jiNsona. Munabombeli Watchtower Library, JW Library® app, Watchtower ONLINE LIBRARY™, niChitwa Chakukwasha aYinsahu jaYehova haKusandujola Nsañu.
Mukwikala namuzañalu chikupu neyi muzatishaña yitwa yejima yinatuloñesheliwu hakusandujola chikupu muBayibolu. Yikwashenu atudizi enu eluki chakuzatisha iyi yozelu. Dichi niwena akwikala namuzañalu chikupu neyi awana ñakwilu muBayibolu yamalwihu adihulañawu.
TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI—ITEJENU WUKWASHU WAYEHOVA—YOZELU YAKUSANDUJOLAMU, NAWA AKULENU AWA MALWIHU:
Yumanyi yahoshayi Jade kutalisha hayileñaleña?
Neeta wawana kudihi nsañu yamukwasha nansañu yahanjekañawu?
Neyi tulejañaku antu nsañu yitunawani muBayibolu, twekalaña namuzañalu
Watonda ñahi nsañu yasekana nansañu yahoshañayi Jade?
Kuzatisha Yozelu yetu yakusandujolamu kwamukwasha ñahi Neeta?