Zatenuku Wupayiniya

Kwimika yikonkwanyi yakuspiritu kwatukwasha kuzatishaña ñovu yetu chiwahi. (1Ko 9:26) Chineli kukuma kudi mukamwihi, twimikeña yikonkwanyi yikutukwasha kuzatisha chiwahi mpinji yetu. (Efw 5:15, 16) Kwila muhanjekahu hakudifukula kwachisaka hayikonkwanyi yimukwimika muchaaka chamudimu chinakwinza nehi? Hakwila chiyipeleliku, munonu mukanda wakupompa mudi yibaaba yinakuhosha hayikonkwanyi yimunateli kutoñojokahu nikulombelahu.—Yak 1:5.

Chakutalilahu, kwila muzatila hamu neyi chisaka kulonda mukwashiku wumu muchisaka chenu yazatiku wupayiniya wampinji yejima nehi? Neyi munakujinoka nenu mukashikijaña maora akeñekaña wanyi, lombenu wukwashu kudi apayiniya anakushikija maora anakumona kukala neyi kumunakumona. (Yis 15:22) Neyi chinatwesheki mutambikenu kukudifukula kwachisaka kulonda mumwihujoli. Nawa sonekenu ndandanda yimukulondelaña. Neyi mwazatilihu wupayiniya, toñojokenuhu kulonda mumoni neyi mukutwesha cheñi.

Kwila amakwawu muchisaka chenu azataku wupayiniya wakukwasha hadi kakweji hela kubadikahu nehi? Neyi mwakatakataña, mukutwesha kuzata wupayiniya wakukwasha neyi mushimwinaña maora antesha ifuku nifuku. Neyi chayikalilaña kushimwina mukachi kamulungu muloña wanyidimu hela shikola, munatela kuzataku mukakweji kadi namafuku akunoka hela kadi nanyilungu yitanu. Sonekenu hakalenda yenu kakweji kimukatachika kuzata wupayiniya nawa sonekenu nindandanda.—Yis 21:5.

TALENU VIDIYO YAIKALENU AHAMUKA . . . APAYINIYA, NAWA AKULENU ILU LWIHU:

• Yumanyi yitukudizila kudi Muhela Aamand kutalisha hachamwekeshañayi Yehova kukeña nichakamenañayi antu adihanaña kuzata wupayiniya?