Chakuzatisha Nsañu Yidi muChakuhanjeka naWantu

Amanakwetu azataña nañovu chikupu hakwila aloñeshi nsañu yekalaña muChakuhanjeka naWantu, nawa akakushimwina amavulu anakuhosha nawu iyi nsañu yinakuyikwasha chikupu mumaluña awu akushimwina. Hela chochu, chineli matuña enda kwamboka, akakushimwina akasunuka kuzatisha njila yacheñi mumudimu wawu wakushimwina hela lwihu lukutiyawu antu amwiluña dawu kuwaha. Ilaña neyi kudi kampeni yadimena twatela hohu kuzatisha nsañu yinatwilejiwu. Chuma chitunakufwila hikuzata mudimu watushililiyi Yesu wakushimwina nsañu yayiwahi yaWanta.—Mat 24:14.

Neyi mudi nampanji yawatudizi, mwatela kuzatisha nsañu yidi hachakuhanjeka nawantu muChihandilu niMudimu Wanetu AkwaKristu Mukanda Wakupompa. Hela chochu, mwakasunuka kuhimpa lwihu, nsona, lwihu lwakufuntila hela chakutachika kwesekeja nachidi yuma mwiluña denu, chiña neyi anayileji nawu kuhimpa nehi. Iyi nsañu yinahiñi hansañu yidi mumukanda wakupompa waJune 2020 ifu 8.