KUWAHISHA NJILA JETU JAKUSHIMWINAMU
Loñeshenu Mazu Enu Imukuhosha Hakuhana Magazini
CHIKWALEMENA: Hela chakwila mazu akuhosha ekala mumukanda wakupompa ashimunaña nsañu yinateli kutukwasha, himazu hohu anateli kutukwasha. Mwatela kuzatisha mazu enu. Munateli kuzatisha njila yacheñi hela mutu wukwawu wunateli kuzatika chiwahi mwiluña denu. Neyi munakukeña kwila mwenimu, hanyima yakutaña magazini, tondenu mazu imwatela kuhosha nawa talenu yakutalilahu yidi muvidiyo, munateli kuzatisha njila yidi heshina kulonda muloñeshi mazu imwakahosha.
YUMA YIMWATELA KWILA:
Dihulenu nenu, ‘Komana inakukeña kuzatishahu njila yimu yakuhaninamu magazini?’
EÑA
Loñeshenu mazu enu akutachika nachu. Hanyima yakudimusha namwiniitala, mulejenu nsañu yimunendeli. (Chakutalilahu: “Nayendeli muloña . . . ”)
Toñojokenu lwihu lumukumwihula, nsona yimukuzatisha nichimukuhosha. (Chakutalilahu: Hakwila mutañi nsona, hoshenu nenu: “Ñakwilu yayiwahi yanilu lwihu yidi.”)
INEHI
Tondenu mutu wudi mumagazini wumunamoni nenu wawuwahi nawa wunateli kuleta ikoku mwiluña denu
Loñeshenu lwihu lukumuleñela muntu kutoñojoka nawa lunateli kuyikwasha kuhanjeka chiwahi namwiniitala, bayi mwihula lwihu lunateli kumutiyisha nsonyiku. (Chakutalilahu: Malwihu adi hefu 2 damagazini.)
Tondenu nsona yimwatela kutaña. (Neyi munakuhana Awake! mwatela kutaña nsona hela nehi, muloña ayinu magazini ayisonekelaña antu abula kwiluka nsañu yayivulu yamuBayibolu niantu abula kukuhwelela munsakililu.)
Loñeshenu mukuku wamazu hela nyikuku yamazu yinakulumbulula mwiniitala chinateli kuhetelamu mutaña chibaaba
MUMUKUKU WUMU
Loñeshenu lwihu lumwakakula himwakafuntilaku
Sonekenu nsañu yikuyikwasha kwanuka yuma yimwakahosha cheñi