Kutambwila Añenji Jetu

HaMarch 23, antu akushika ku 12 miliyoni hela kubadikahu akenza kuChanukishu neyi añenji jetu. Akatiya nsañu yayiwahi hampinji yikahoshañayi nhoshi hachawaana chaYehova chefutu danyiloña ninkisu yakatambwilawu antu kumbidi! (Isa. 11:6-9; 35:5, 6; 65:21-23; Yow. 3:16) Hela chochu, bayi neyi nhoshi diyi wakahana hohu wunsahu hanidi ifuku dalemaku. Wejima wetu tunateli kuhana wunsahu kuhitila mukutambwila añenji jetu nachisambu. (Rom. 15:7) Iyi diyi yuma yimwatela kwila.

• Chatela muyi nakushakama muyitwamu yenu nakuhembelela progilamu yitachiki, tambwilenu añenji niantu azeya namuzañalu waweni nikuyishikija munjila yayiwahi

• Chatela mushi hohu muchima kudi antu imwatambikili, ilaña shenu cheñi muchima kudi antu amakwawu anenzi atambikiluwu hampinji yakampeni. Yilenu añenji mushakami nawu. Zatishenu nawu Bayibolu nikamina kenu

• Hanyima yampanji, mwatela kudimona nawu kulonda mwakuli malwihu awu. Neyi mudana mpinji yakuhanjeka hachipompelu muloña wakwila kudi amanakwetu anakwinza nakupompelamu, yishiikenu mwakayendeli neyi munahiti mafuku antesha. Neyi mudana naambala yindi, munateli kumwihula nenu: “Yumanyi yimunatiyi muniyi progilamu. Chikutwesheka kunyinkaku namba yenu?”