Yishikijenu Namuzañalu

Anyi itukushikija namuzañalu? Antu ejima enzaña kukupompa kwetu kwawakwaKristu, dikwila nawu añenji niamabwambu jetu enzaña nakupompa. (Rom 15:7; Heb 13:2) Nateli kwikala mukwetu mukwakwitiya wunafumi kwituña dacheñi hela mukwaKristu wazeya wunenzi nakupompa katachi kufuma halekeleliyi. Difwikijenu neyi yenu munenzi nakupompa. Komana himukutiya kuwaha neyi akwenu enza nakuyimusha namuzañaluku? (Mat 7:12) Kwila muzata ñovu kulonda mwimushi antu anenzi Hetala daWanta henohu kanda mutachiki kupompa hela hanyima yakupompa nehi? Chumichi chikuleta muzañalu nikukeñañana nawa chikuleta kalemesha kudi Yehova. (Mat 5:16) Hela chochu, hitukutwesha kuhanjeka nawantu ejima anenziku. Ilaña, antu ejima akuzañalala neyi tuzata nañovu.a

Twatela kumwekesha chisambu mpinji yejima bayi neyi hakupompa kwadimena kudi neyi Chanukishu hohuku. Neyi amaha amona akwaKristu chakeñañanawu, niwena akutachika kumushimeka Nzambi nawa tukutachika kudifuukula nawu hamu.—Yow 13:35.