Diloñeshelenu Chadimu Henohu Kanda Mukati

Muloñadi chimwatela kudiloneshela? Munateli kukata hela anateli kuyitenteka kuchipateli hadi mpinji yejima mukukasumwisha. Dichi, henohu kukala kanda kumwekani, loñeshelenu chadimu yoyinu mpinji njila yikayikwasha kutambwila yitumbu mumpinji. Neyi mwila mwenimu, mukumwekesha nawu mwalemesha wumi ninshimbi jaYehova kutalisha hamashi.—Yil 15:28, 29.

Munateli kudiloñesha ñahi?

• Diloñeshenu nawa lombelenuhu kulonda mufiliñi kaadia yamashi (DPA). Akakushimwina apapitishewa anateli kutambula DPA kaadi kudi manakwetu wazatilaña kunyikanda nikutambwila anyanawu kaadi yawanyana [Identity Card (ic)]

• Neyi mwalema hamujimba, lombenu kudi akulumpi kopi yaInformation for Expectant Mothers (S-401). Ichi chipapilu chikuyikwasha kufuukula chiwahi neyi kudi kukala kudi kwejima hampinji yimudi nevumu hela hakusampuluka

• Neyi mwakata chikatu chinakukeñeka kuyuuka kuzatisha mashi hela kushakama muchipatela, yilejenumu akulumpi chadimu niankoñi akuchipatela nenu Chinsahu chaYehova wukuyendela

Akulumpi anateli kukwashana ñahi? Anateli kuyikwashaku kufiliña kaadi yaDPA. Hela chochu, akulumpi akuyifuukwilaku wanyi njila yakuyukilamu hela kuyileja chinakutoñojokawu hanoyu nsañu, mwatela kudifuukwila. (Rom 14:12; Ñal 6:5) Neyi muyileja akulumpi muchipompelu chenu nenu njila yakuyuukilamu munabombeli kuzatisha mashi, wena akulejamu swayi-swayi Komiti Yatiyañanaña naYipatela.

Komiti Yatiyañanaña naYipatela yinateli kuyikwasha ñahi? Amanakwetu ekala muniyi komiti ayidizisha chakukwasha antu azatilaña kuyipatela kwiluka yuma yitwakuhwelela hansañu jamashi. Anateli kuhanjeka nawakachipatela njila yakukilamu chakadi kuzatisha mashi. Neyi chinakukeñeka, anateli kuyikwasha kuwana ndotolu wukwiteja yumiyi.

TALENU VIDIYO YINAKWILA NAWU KUFUKULA NJILA YAKUYUKILAMU CHAKADI KUZATISHA MASHI, NAWA AKULENU AWA MALWIHU:

• Yumanyi yimunadizi muniyi vidiyo yinateli kuyikwasha kudiloñesha neyi mukata chikatu chikukeñeka kuyuuka kuzatisha mashi?

  Your answer