Tanjikenu Yuma Yimukela muMpinji yaChanukishu

Chaaka nichaaka, antu jaYehova afwilaña chikupu kwanuka Chanukishu hamu. Munyilungu yakutwala kuChanukishu nihanyima, twekala nakukoleka kwadimena kwakumushimeka nikumusakilila Yehova hachaawana chefutu danyiloña. (Efw 1:3, 7) Chakutalilahu, twashañaku muchima kukutambika antu kuChanukishu. Amakwawu akeheshañaku jakwila kulonda azatiku wupayiniya wakukwasha wamaora 30 hela 50 mutukweji twaMarch naApril. Munakukeña kushimwina chikupu mumpinji yaChanukishu chachinu chaaka? Chumanyi chinateli kuyikwasha?

Kakavulu, neyi tutanjikila chadimu yuma tunateli kwilamu. (Yis 21:5) Chineli mpinji yaChanukishu hiyikushika kwakwihi, ayinu diyi mpinji yakutanjikila chadimu yuma. Toñojokenu chimunateli kuzataku chikupu mudimu wakushimwina mumpinji yaChanukishu, nawa toñojokenu hayuma yimwatela kwila kulonda mukashikijimu. Kuhiñahu mulombenu Yehova kulonda ayikwashi.—1Yo 5:14, 15.

Kudihu njila yimunateli kuzatilamu chikupu mudimu wakushimwina mumpinji yaChanukishu?