Komana Munakuzatisha Bayibolu Yakukwata Mazu?

Bayibolu yakukwata mazu hichumanyi? Bayibolu yakukwata mazu hiBayibola yaNsona jaKaayi Kakaha yakukwata mumazu. Anakuyidisha chovu-chovu mumadimi amavulu. Chuma chimu chinawahi anakuzatisha mazu awantu ashiyashana hadi muntu wejima ashimunawu muBayibolu. Mazu anakuyitaña nakukonkomwena nimunjila yakwila nsañu yamuBayibolu yikali yoloka.

Indi Bayibolu yakukwata mazu yinakuyikwasha ñahi amakwawu? Amavulu atiyililaña kuBayibolu yakukwata mazu, anakutiya kuwaha chinakulumbulula Izu daNzambi. Anakuhoshaña nawu neyi anakutiya antu amboka-mboka hadi antu ashimunawu muBayibolu, afwikijaña chiwahi yuma yamwekeni kunyima nawa atiyishishaña yuma yasonekawu muBayibolu. (Yis 4:5) Amakwawu niwena, anawani nawu kutiyilila kuBayibolu yakukwata mazu chayikundejaña neyi anakwakama.—Ms 94:19.

Kutiya Izu daNzambi anakuditaña nezu datiyakana chinateli kutukwasha muchihandilu chetu. (2Ku 34:19-21) Neyi chakwila chibalu chimu hela Bayibolu yamukuma yakukwata dehi nawa yidi mwidimi dimwatiyaña, komana kwila mutiyililañaku mpinji yejima nehi?

TALENU VIDIYO YINAKWILA NAWU CHEDISHAÑAWU BAYIBOLU YAKUKWATA—KACHIBALU, NAWA AKULENU ILU LWIHU:

Chumanyi chinayitiyishi kuwaha chedishañawu Bayibolu yakukwata mazu?