Munateli Kukwasha Chisaka Chenu Kwikala naMuzañalu

Yehova nakukeña yisaka yikaleña namuzañalu. (Ms 127: 3-5; Mkw 9:9; 11:9) Hela chochu, muzañalu wetu wunateli kumana muloña wakukala kwamukanu kaayi niyiluwa yawantu adi muchisaka. Muntu wejima muchisaka nateli kwila ñahi kulonda akwashi chisaka kwikala namuzañalu?

Iyala watela kulemesha ñodindi. (1Pe 3:7) Wekalaña nampinji yakuhanjika nindi. Hakeñaña nindi ñodindi amwilili yuma yinabadiki muñovu jindiku nawa wasakililaña hayuma yelañayi niyelilañayi chisaka. (Kol 3:15) Wamukeña nawa wamuhamekaña.—Yis 31:28, 31.

Mumbanda wamukwashaña nfumwindi. (Yis 31:12) Wamwovwahilaña nikuzatila nindi hamu. (Kol 3:18) Wahoshaña naluwi nawa chachiwahi hadi nfumwindi.—Yis 31:26.

Anvwali ekalaña nampinji yakuhanjeka nawanyanawu. (Kuh 6:6, 7) Ayilejaña anyanawu nawu ayikeña. (Mat 3:17) Neyi anakuyifumba amwekeshaña kukeña nikashinshi.—Efw 6:4.

Anyana alemeshaña nikwovwahila anvwali jawu. (Yis 23:22) Ayilejaña anvwali jawu chinakutoñojokawu nichinakutiyawu. Etejaña kuyibabesha kudi anvwali jawu nawa ayilemeshaña.—Yis 19:20.

TALENU VIDIYO YINAKWILA NAWU IKALENU NAMUZAÑALU MUCHISAKA CHENU, NAWA AKULENU ILU LWIHU:

Muntu-himuntu weladi hakwila muchisaka mwikali muzañalu?