Atubiña Akalakelaña Antu jaYehova Yuma Yayiwahi

Antu amavulu ayimonaña chatama antu akweti wuswa. Hinyi wunateli kuyinka muloña? Hadi mpinji yayilehi antu anazatishi wuswa wawu chatama nakuditiyisha aweni kuwaha. (Mik 7:3) Twasakililaña nankashi muloña akulumpi muchipompelu ayidizishaña kulonda azatisheña wuswa wawu chiwahi nakukwasha antu jaYehova.​—Esi 10:3; Mat 20:25, 26.

Kwambukaku nachazatishañawu wuswa mukaayi, akulumpi ashikañahu kwikala nawuswa muloña wakumukeña Yehova niantu jindi. (Ywn 21:16; 1Pe 5:​1-3) Nawunlomboli waYesu, awa akulumpi akwashaña akakushimwina ejima kulonda ekali akasunuka hakachi kachisaka chaYehova chawakakudifukula nikuswina kwakwihi naYehova. Anyakalaña kuyikwasha nyikoku yaYehova kuspiritu nikuyikwasha neyi kudi wunakati mukukasumwisha hela neyi kudi kunamwekani wubanji wadimwekenaña. Neyi munakukeña wukwashu, lejenu mukulumpi wudi wejima muchipompelu chenu.​—Yak 5:​14.

TALENU VIDIYO YINAKWILA NAWU ATUBIÑA AKAMENAÑA ANYIKOKU, NAWA AKULENU AWA MALWIHU:

• Mariana amukwashili ñahi kudi akulumpi?

  Ñakwilu yenu

• A Elias ayikwashili ñahi kudi akulumpi?

  Ñakwilu yenu

• Iyi yakutalilahu yinayikwashi ñahi kumona mudimu wazatañawu akulumpi?

  Ñakwilu yenu