Watchtower LAYIBULALI YAHAINTANETI
Watchtower
LAYIBULALI YAHAINTANETI
Lunda
  • BAYIBOLU
  • NYIKANDA
  • KUPOMPA
  • wp22 na. 1 mafu 6-7
  • 1 | Bayi Mwikala naChaambuku

Vidiyo yimwatonda hosi.

Atwanakeniku mwani, vidiyo yakañanya kwenzunuka.

  • 1 | Bayi Mwikala naChaambuku
  • Kaposhi Kakutalila Kanakubidika Wanta wa Yehova (Kawantu Amavulu)—2022
  • Tunyitu Twanyanya
  • Nsañu Yinadifwani
  • Chatañishaña Bayibolu:
  • Muchatalisha:
  • Yuma Yimwatela Kwila:
  • 3 | Fumishenu Kuhelañana Muyitoñojoka Yenu
    Kaposhi Kakutalila Kanakubidika Wanta wa Yehova (Kawantu Amavulu)—2022
  • Chakuleka Kuhelañana
    Kaposhi Kakutalila Kanakubidika Wanta wa Yehova (Kawantu Amavulu)—2022
  • Yehova ‘Haakamaña Antu Kumesuku’
    2013 Kaposhi Kakutalila Kanakubidika Wanta wa Yehova
  • Muloñadi Kuhelaña Chikunatwalekelihu?
    Kaposhi Kakutalila Kanakubidika Wanta wa Yehova (Kawantu Amavulu)—2022
Talenu nsañu yikwawu
Kaposhi Kakutalila Kanakubidika Wanta wa Yehova (Kawantu Amavulu)—2022
wp22 na. 1 mafu 6-7
Muntu wiyila nakwati mwevulu wamutooka wunakumwemweta, nawa mutooka nakwati mwevulu wamuntu wiyila wunakumwemweta. Kunyima kudi nyevulu yawantu anahili.

CHAKULEKA KUHELAÑANA

1 | Bayi Mwikala Nachaambuku

Chatañishaña Bayibolu:

“Nzambi hakweti chaambuku, ilaña munyuza yejima, [muntu wejima] wamutiyaña woma nawa welaña yuma yaloña, amutambwilaña kudi yena.”​—Yilwilu 10:34, 35.

Muchatalisha:

Yehovaa Nzambi hatwambulaña kwesekeja namuza, muchidi, ikowa hela chisemwaku. Ilaña washinshikaña chitwekala mumuchima. Mwamweni, “muntu wamonaña hanji yamujimba, ilaña Yehova wamonaña mumuchima.”—1 Samweli 16:7.

Yuma Yimwatela Kwila:

Hela chakwila hitunateli kumona mumuchimaku, ilaña tunateli kumwimbujola Nzambi nakubula kumwekeshela antu chaambu. Monenuña muntu himuntu chekalayi bayi chekala izanvuku. Neyi mumona nenu mwahelahu antu amakwawu hadaha muloña wedimi hela muza, mulombenu Nzambi kulonda ayikwashi muleki kumona munoyu njila. (Masamu 139:23, 24) Neyi mumulomba Yehova chakufuma hamuchima nenu ayikwashi kuleka chaambu, ilukenu chikupu nenu wukutiya kulomba kwenu nawa wukuyikwasha.—1 Petulu 3:12.

a Yehova didu ijina daNzambi.​—Masamu 83:18.

“Nadiña kanda nishakameñahu dehi namuzungu mukuwunda . . . Ichi nekali hakachi kawamanakwetu amukaayi kejima.”​—TITUS

Yuma Yamwekeni​—TITUS

Lekenu Kuhelañana

Titus.

Titus wadiña wazuwa nankashi muloña nshimbi jadiña chiwahi wanyi kutalisha hadi antu eyila, dichi wadibombeli nezanvu dawakamadombu atiyileña chochimu. Wahosheli nindi: “Twayileña kumaluña kwabulileñawu kwiteja antu eyila, chidi neyi kumahotelu nikumaba nakusañumuna ndombu.” Titus welukili kuhelañana nindi dikwamuletesheleña nawa wabombelelihu nindi: “Neyi nitachika kubobola namuntu wudi wejima, iyala hela mumbanda, mpinji yejima iyami natachikilileñahu kunata nkonyi.”

Titus watachikili kuhimpa chatachikiliyi kudiza Bayibolu nawaYinsahu jaYehova. Chatañiliyi Bayibolu yamukwashili kuhimpa. Chuma chamusañumwini hikushiika kwashimunawu muBayibolu kutalisha hetuña dakumbidi dakwila, “kufwa hikwakekalaku cheñiku, hikwakekala cheñi kudishona, kudila hela kuyeñaku.”—Chimwekeshu 21:3, 4.

Hakusambila, chamukalilileña Titus kuleka kuhelañana. Wahosheli nindi: “Chankalilileña nankashi kuleka chinatoñojokeleña niyuma yinelileña.” Ilaña wahimpili hanyima yakudiza Yilwilu 10:34, 35, nawu Nzambi hakweti chaambuku.

Chumanyi chafuminimu? Titus walumbulwili nindi: “Nelukili chikupu nami aYinsahu jaYehova akweti chalala chinamweni kukeña kwadimwekeshelañawu hela chakwila ambuka makowa. Chadiña tuhu neyi chilota. Nadiña kanda nishakameñahu dehi namuzungu, hiitukudila nihamu mwiitala dindi. Ichi nekali hakachi kawamanakwetu amukaayi kejima.”

    Lunda Publications (2006-2025)
    Fumenumu
    Iñulenu
    • Lunda
    • Inkenuhu akwenu
    • Hakusetiñila
    • Copyright © 2025 Watch Tower Bible and Tract Society of Pennsylvania
    • Nshimbi Jakulondela
    • Nshimbi Jakujinda
    • Privacy Settings
    • JW.ORG
    • Iñulenu
    Inkenuhu akwenu