Chinaleteshi Majita Kutwalekahu
Bayibolu yashimuna chuma chakojejaña majita nichinaleteshi iyi yuma kutwalekahu.
NSHIDI
Nzambi waleñeli anvwali jetu atachi, aAdama naEva muchifwanisha chindi. (Kutachika 1:27) Dikwila nawu adi kumwekeshaña yilwilu neyi yekala naNzambi, yidi neyi kuwunda nikukeña. (1 AKorinda 14:33; 1 Yowanu 4:8) Ilaña Adama naEva adikañili naNzambi nawa avulumwini. Chafumamu, wejima wetu twaswana nshidi nikufwa. (ARoma 5:12) Chineli twaswana nshidi chaleteshaña etu amavulu kutoñojoka yuma yatama nawa chafumañamu antu amakwawu aletaña jindombu.—Kutachika 6:5; Maku 7:21, 22.
NFULUMENDI JAWANTU
Nzambi hatuleñeli nindi tudiyuuleña etu aweniku. Bayibolu yahosha nawu: “Muntu wunakwenda hakutwesha kwiluka nichakulombola ntampu jindiku.” (Yeremiya 10:23) Muloña wanichi chuma, nfulumendi jawantu kwila jitwesha kumanisha majita nehi.
SATANA NIANDEMONI JINDI
Bayibolu yahosha nawu “kaayi kejima kadi mumakasa awatama.” (1 Yowanu 5:19) Iwu “watama” amutenaña nawu Satana Diyabolu, amutenaña cheñi nawu mukakujahañana. (Yowanu 8:44) Yena niandemoni jindi diwu akojejaña antu kutachika majita nimadombu.—Chimwekeshu 12:9, 12.
Etu antu hitunateli kufumishahu yuma yakojejaña majitaku, chiña Nzambi hohu