Kuwahisha Njila Jetu Jakushimwinamu—Kwakula Antu Atukañeshaña Kuhanjeka Nawu

Kwalemenadi: Twili netu muneluki nenu keña kumwekani wubanji wadimwekenaña waweni. Antu anateli kufwa neyi abula kutemuka. Dichi munayi kwitala dantuñinenu nakumusoñamisha, ilaña hakunyakala kuyikañesha nindi nakasiki nanyidimu. Chakadi nikujina, himukunyakala kumushiyaku. Antu amavulu mwiluña detu dakushimwina akaanaña kutiyilila, muloña eluka wanyi kulema kwansañu yitwashimwinaña yapulwishaña wumi. Hadaha twayendelaña hampinji yekalaña nanyidimu yayivulu. (Mat. 24:37-39) Indi kwiji hamuloña wambonji yatiyañawu diyaleñelaña atukañesheña kuhanjeka nawu. (Mat. 11:18, 19) Anateli kutoñojoka nawu twekala hohamu nansakililu yasoñaña nyikabu yatama. (2 Pet. 2:1, 2) Neyi hakusambila mwiniitala yakaana, bayi tunyakala kuzeyaku.