Chinateli Kukoleshawu Adisumbula Wulu Wawu

Adisumbula anateli kudizila kudi aAbarahama naSara adikeñeli nikudilemesha. (Kut 12:11-13; 1Pe 3:6) Hela chochu, wulu wawu wadiña wanina wanyi, nawa adiña nakuumika kukala muchihandilu. Yumanyi yinateli kudizilaku adisumbula kudi Abarahama naSara?

Hanjekenuña mpinji yejima. Neyi mwinikwenu nahoshi mazu anayineñeshi mwakulenu mukuwunda. (Kut 16:5, 6) Ikalenuña nampinji yakushakama hamu. Mwekeshenuña nenu mwamukeña mwinikwenu mumazu nimuyilwilu. Nawa chuma chinabadiki kulema koleshenu wubwambu wenu naYehova muwulu wenu kuhitila mukudiza, kulomba nikudifukwila hamu. (Mkw 4:12) Wulu wakola wamulemeshaña Yehova, Yomweni washiliku iyi ntanjikilu.

TALENU VIDIYO, CHAKUKOLESHA MPAANDA YAWULU, NAWA AKULENU AWA MALWIHU:

• Muniyi vidiyo, yumanyi yamwekeshaña nawu aShaan nawaKiara atachika kwambuka chovu-chovu?

• Indi kuhosha mwalala nikukasunuka hakuhanjeka kwalemenadi muwulu?

• Indi chakutalilahu chaAbarahama naSara chayikwashili ñahi aShaan nawaKiara?

• Yumanyi yeliliwu aShaan nawaKiara hakwila nawu akoleshi wulu wawu?

• Muloñadi adisumbula chatela kubula kukuhwelela wulu wawu kwikala wawanina?