Yakutalilahu Yadizishaña

Matewu 13:34, 35

CHIKUMA: Ikalenu antañishi amawahi kuhitila mukuzatisha yakutalilahu yapela yikukokola antiyilili jenu kulonda adizi yikuma yalema.

CHAKWILA:

• Zatishenu yakutalilahu yapela. Kufwana Yesu, zatishenu yuma yanyanya hakulumbulula yuma yamaneni, yuma yapela hakulumbulula yuma yakala. Bayi musweja kulumbululaku, neyi nehi chikuma chikutiyakana wanyi. Yuma yimukutena muchakutalilahu yatela kukundama kunsañu yimunakutañisha kulonda antiyilili abuli kuluwankana nansañu yimukushamu.

• Toñojokenu yuma yikukwasha antiyilili jenu. Sakulenu yakutalilahu mudi yuma yikuyizañalesha niyuma yikuyikwasha antiyilili jenu. Babalenu nayakutalilahu yenu kuchiina yakenda kaneñesha hela kutuntwisha antu.

• Shimunenu chikuma. Shenu muchima hakulumbulula yikuma yamaneni bayi tuyikuma twanyanyaku. Mwatela kwiluka nenu muntu imunakuhanjeka nindi wukwanukaña chakutalilahu nichikuma chimunahosheñahu.