22 E higa mokwongo mar loch Kuros+ ruodh Persia, mondo wach ma Jehova nokoro kotiyo gi Jeremia+ ochopi, Jehova nojiwo chuny Kuros ruodh Persia mondo ogo milome e pinyruodhe duto, kendo nondiko wechego+ kowacho niya: 23 “Ma e gima Kuros ruodh Persia owacho, ‘Jehova Nyasach polo osemiya pinjeruodhi duto mag piny,+ kendo osechika ni agerne ot e dala mar Jerusalem e piny Juda.+ Ng’ato ang’ata e kindu ma en achiel kuom jo ma lame, Jehova Nyasache mondo obed kode, kendo ng’atno owuogi odhi.’”+

1 E higa mokwongo mar loch Kuros+ ruodh Persia, mondo wach ma Jehova nokoro kotiyo gi Jeremia+ ochopi, Jehova nojiwo chuny Kuros ruodh Persia mondo ogo milome e pinyruodhe duto, kendo nondiko wechego+ kowacho niya:

2 “Ma e gima Kuros ruodh Persia owacho, ‘Jehova Nyasach polo osemiya pinjeruodhi duto mag piny,+ kendo osechika ni agerne ot e dala mar Jerusalem+ e piny Juda. 3 Ng’ato ang’ata e kindu ma en achiel kuom jo ma lame, Nyasache mondo obed kode, kendo ng’atno owuogi odhi Jerusalem e piny Juda mondo oger od Jehova Nyasach Israel—en e Nyasaye madier—ma ode ne ni Jerusalem.*