Ohinga mar Jarito LAIBRARI E INTANET
ohinga mar jarito
LAIBRARI E INTANET
Dholuo
  • MUMA
  • BUGE
  • MIKUTANO
  • my sigana 34
  • Chiemo ma Kite Opogore

Hakuna video yoyote kwa sasa.

Samahani, haikuwezekana kupakia video.

  • Chiemo ma Kite Opogore
  • Buga Moting’o Sigendini mag Muma
  • Habari Zinazolingana
  • Penjo Moa Kuom Josombwa
    Ohinga mar Jarito ma Lando Wach Pinyruoth (Mar Puonjruok)—2023
  • Thuol Molos gi Mula
    Buga Moting’o Sigendini mag Muma
  • Weche Michakogo Kare mar 5
    Weche Minyalo Puonjori e Muma
  • Hema mar Lamo
    Buga Moting’o Sigendini mag Muma
Pata Habari Zaidi
Buga Moting’o Sigendini mag Muma
my sigana 34

SIGANA MAR 34

Chiemo ma Kite Opogore

E ING’EYO gima jogo kwanyo e lowo kanyo? Ochalo gi pe. Orachar, opadore kendo odonyore e yo mayot. Kata kamano ok en pe; en gima ichamo.

Chiegni dwe achiel ema osekalo nyaka ne Jo-Israel wuog Misri. Gin e thim. Chiemo matin kende ema dongo kanyo, kendo mano miyo ji chako ng’ur kagiwacho ni ‘Madi ne watho e lwet Jehova e piny Misri. Kuno ne wayudo chiemo duto ma ne wadwaro.’

Kuom mano, Jehova wacho ni: ‘Abiro miyo chiemo mondo ochwenu koa e polo.’ Kendo mano ema Jehova timo. Chieng’ ma ne oluwe gokinyi, ka Jo-Israel neno gima rachar to gipenjore ni: ‘En ang’o?’

Musa wachonigi ni: ‘Ma e chiemo ma Jehova omiyou mondo ucham.’ Ji ne oluongo chiemono ni MANNA. Ndhandhune chalo gi makate molos gi mor kich.

Musa wacho ne ji ni: ‘Chokuru moromo ng’ato ka ng’ato chamo.’ Omiyo mano ema gitimo okinyi ka okinyi. Bang’e, ka chieng’ rieny matek, manna ma ne dong’ piny ne leny to rumo.

Musa bende wachonigi ni: ‘Ng’ato kik owe manna moro nyaka e odiechieng’ maluwe.’ Kata kamano, jomoko kuomgi ok winji. Be ing’eyo gima timore? Okinyi maluwe, manna ma ne gikano chako ng’we kendo otimo kudini!

Kata kamano, nitie odiechieng’ moro achiel ma Jehova nyiso ji mondo ochok manna nyadiriyo. Mani en odiechieng’ mar auchiel. Kendo Jehova wacho ni gikan moko nyaka kinyne nikech ok obi miyogi moko e odiechieng’ mar abiriyo. Ka gikane nyaka odiechieng’ mar abiriyo, ok obed mang’we kata kudini ok bedie! Mani en hono moro machielo!

Higini duto ma Jo-Israel ni e thim, Jehova pidhogi kod manna.

Wuok 16:1-36; Kwan 11:7-9; Joshua 5:10-12.

Penjo mag Puonjruok

    Buge mag Dholuo (1993-2025)
    Toka
    Ingia
    • Dholuo
    • Shiriki
    • Kaka Daher
    • Copyright © 2025 Watch Tower Bible and Tract Society of Pennsylvania
    • Chikewa
    • Rito Weche
    • Mpangilio wa Faragha
    • JW.ORG
    • Ingia
    Shiriki