Sandug Penjo

◼ Be owinjore ng’ato kuomwa ondik kata bawo adres mare owuon mar e-mail e buge mwachiwo e tij lendo?

Jolendo moko osebedo kandiko kata bawo stamp manyiso e-mail maggi giwegi e gasede kata trakt ma gichiwo ne ji. Gitimo kamano mondo jo moyie kawo bugego otudore kodgi eka gimed kwayo weche mamoko. Joma timo mano, ok tim gi chuny marach. Kata kamano, adres mar Web site marwa en gima ofis osendiko e tok gasede koda traktgo. Kuom mano, dibed gima ber ka ok waket adres magwa wawegi mag e-mail e bugego.

Ka jalendo diher chiwo adresne ne ji molendoni kotiyo gi otas mopogore, to moloyo e kinde modok timo limbe, mano en yiero mar ng’ato owuon. Onego wakaw okang’ mar dok limo jogo morwako wach, kar weyo ni gin giwegi ema gitudore kodwa giyud weche mamoko. Nyiso ni wadwaro konyo ng’ato gadier, en gima nyalo nenore ayanga ka wawuoyo kode wang’ gi wang’.